ПочетнаВестиДо учебната 2024/2025 ќе треба да се сменат учебниците по историја
ВестиМакедонијаНајважни
До учебната 2024/2025 ќе треба да се сменат учебниците по историја
17.08.2022 15:48
Промената на учебниците според препораките на Комисијата за историски прашања треба да се направата во рок од две години, поточно најдоцна до учебната 2024-2025 година, а заедничкото чествување на петте историски личности, за кои Комисијата постигнала согласност, може да започне веднаш, од оваа година. Протоколот потпишан пред еден месец меѓу двете влади, има прецизни рокови до кога и на кој начин препораките, треба тие да се имплементираат, па така на идната меѓувладина комисија за спроведување на Договорот за добрососедство треба да бидат претставени урнеците на лекциите според препораките кои потоа ќе влезат во учебните програми.
„СЕКАКО ТОА ОДИ ВО ФАЗИ И НИЗ ФИЛТРИТЕ НА ИНСТИТУЦИИТЕ. ПРИТОА ДА НЕ ЗАБОРАВИМЕ, ТОЈ ТЕКСТ КОЈШТО Е ДОГОВОРЕН, ИМААТ ПОДЕДНАКВА ОБВРСКА И БУГАРИЈА И СЕВЕРНА МАКЕДОНИЈА ДА ГО ИМПЛЕМЕНТИРААТ ВО СВОЈОТ СИТЕМ. И ТОА ФУНКЦИОНИРА НА ПРИНЦИП НА РЕЦИПРОЦИТЕТ. ОДНОСНО, ВАЖЕЧКО Е САМО ДОКОЛКУ ЗАЕДНО ГО ИМПЛЕМТНИРАМЕ ВО ДВАТА СИСТЕМА“, ИЗЈАВИ БОЈАН МАРИЌИЌ, ВИЦЕПРЕМИЕР ЗА ЕВРОПСКИ ПРАШАЊА.
Комисијата за историски прашања меѓу Македонија и Бугарија даде по пет препораки за учебниците по историја за петти клас во Бугарија и и за шесто одделение во Македонија кои ја обработуваат темата антика. И во едниот и во другиот образовен систем се препорачува напуштање на ентоцентризмот во изучување на античките заедници кои живееле на на овие простори и нивното културно-историско наследство. Бугарските ученици притоа ќе треба да учат повеќе за териториите на запад од древна Тракија и историските процеси кои се одвивале таму, како и повнимателно датирање на појавата на тракиската култура во антиката. Македонските ученици пак ќе треба да добијат повеќе информации за античка Тракија и Тракијците. И едните и другите ќе треба да учат од историски карти кои ќе треба соодветствуваат на историскиот контекст, поставените методски цели и конкретен временски период на кој се однесуваат.
На бугарската страна и се препорачува во учебниците изразот „бугарски земји“ во контекст на античката историја да се заменат со термините „денешни бугарски земји“, или „територијата на современа Бугарија“, додека во македонските однските учебници ќе мора да се избегне сугестија за постоење на континуитет меѓу античка Македонија и современата македонска држава, како континуитет на мисијата на Апостол Павле и средновековните црковни структури кои постоеле на територијата на денешна држава Македонија.
Тамара Грнчароска Телма Тв
