Арачиново доби струја а ЕВН доби ветување дека во иднина сметките ќе се плаќаат редовно, а броилата нема да се отшетуваат или манипулираат.
Речиси два часа траеше средбата во општинската зграда на Арачиново на која покрај градоначалникот Ридван Ибраими, беа присутни и министерот за економија, Крешник Бектеши и управникот на Елекстродистрибуција Сашо Салтировски.
Според Бектеши, кражни на струја односно загуби во системот има во речиси сите општини низ државата и нема потреба да се таргетира Арачиново како главен проблем и извор на кражби.
Тој нагласи дека загубите односно кражби на струја се признаваат како трошок кога се пресметува цената на електричната енергија коија ја плаќаат сите граѓани.
Како гаранција дека нема да се повтори ситуацијата и ќе се намалат загубите односно крабите на струја тој ги наведе институциите и инспекциските служби, кои и досега требаше да ја вршат својата работа и да ја превенираат ексалација на состојбатра односно кражбите.
За ЕВН, односно Електродистрибуција, е клучно екипите на ртерен да имаат безбеден пристап и опремата да не се уништува.
Тој повтори дека тимовите на ЕВН се соочуваат со безбедносни ризици но факт е дека пријави до МВР за напад или загрозување на безбедноста не се регистрирани.
Според Салтировски, по вчерашната гаранција на министерот Бектеши екипи на ЕВН излегле на терен и го санирале дефектот на среднонапонскиот вод кој предизвика тридневен прекин на снабдувањето со струја на Арачиново.
