27.9 C
Ohrid
среда, јуни 11, 2025
ПочетнаМакедонијаЧетири месеци болните од карцином се без терапии

Четири месеци болните од карцином се без терапии

spot_imgspot_imgspot_imgspot_img
spot_img

Дел од пациентите дијагностицирани со карцином и метастази на црниот дроб веќе четири месеци немаат дел од терапиите.
За некои од пациентите со рак терапијата доцни, за други пак, што имаат метастази на црниот дроб воопшто нема дел од терапијата што за нив е неоходна. Таков е случајот со пациентка од внатрешноста која веќе четврти месец сама си нарачува терапија која чини 400 евра од Турција, оти на државна онкологија нема. Таа се плаши да говори јавно, па бараше да остане анонимна, но во телефонски разговор за Канал 5 вели дека одговорот зошто го нема лекот што ѝ е неоходен и треба да го добие на клиника без пари, обично е манифестиран со кренати раменици од страна на вработените.

<

Во меѓувреме, дел од онколошките центри во внатрешноста одамна се затворени, па голем дел од пациентите доаѓаат во Скопје за да примат терапија. Пред скопска онкологија пациентите и нивни блиски што ги затекнавме велат дека мора да го платат патот за стигнат до тука барем еднаш месечно за терапија, но денеска за нив имало лекови.

Поголем дел од пациентите се плашат да говорат пред камера зошто стравуваат дека лекарите ќе им се лутат, но зад објективот тврдат дека терапијата „кацајла“ доцни секој месец, па не ја добиваат на време на 21 ден, туку со десетина дена задоцнување. За нив клучно е лековите да се примат во точен ден за да имаат ефект.

Проблеми со недостатоци на лекови за болни од рак има веќе шест месеци, речиси исто толку време постојат дилеми за злоупотреби на терапии.

Дали лекови за болни од рак се изнесуваат надвор од Клиниката за да се продаваат на црно? Ваквите сомнежи повторно се отворија откако полицијата минатата недела во автомобил на медицинска сестра пронашла 20 различни цитостатици. Од болницата тврдат дека таа е суспендирана од работа, а ревизијата што трае веќе 4 месеци не се знае дали е завршена…

Иако претходниот Министер за здравство Сали јавно тврдеше дека ревизија прави и новата директорка, таа во одговор за Канал 5 сега вели дека проверките ги прави Заковод за ревизија. Виолета Клисарова во писмен одговор признава дека недостатоци на лекови има, а ги објаснува со континуираното зголемување на бројот на пациенти, а и недоволниот буџет што го добива Клиниката, која според официјалните податоци е најголем должник од државните болници, а според последните официјални информации долгот е над 12 милиони евра.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Пецаков им посака успешни игри на пензионерите на Регионалните спортски игри за пензионери.

Имав чест денес да ги поздравам и да им посакам успешни игри на пензионерите на Регионалните спортски игри за пензионери. Особено сум горд што токму...

Креиран првиот дрон во Македонија специјализиран да гасне пожари

Креиран е првиот дрон во Македонија специјализиран да гасне пожари. Целта е како што велат надлежните да се создаде јато дронови кои ќе бидат...

Таравари разочаран: Во институциите се вработени 95% Македонци, а само 5% Албанци

Во институциите се отвораат стотици работни места, а пропорцијата на застапеност е некаде околу 5% Албанци и 95% Македонци, вели лидерот на едното крило...

Овој пат ќе му Суди Фатиме Фетаи: Васил Јованов повторно пред суд – овојпат за обвинение за трговија со дрога.

Васил Јованов, кој пред извесно време беше осуден на 12 години затвор за смртоносното прегазување на 24-годишната Фросина Кулакова на пешачки премин, денеска повторно...