Апстракт
Една од клучните цели на секоја економска политика е поголемо ниво на економски раст и развој, а со тоа и поголема конкурентност.
За постигнување на економски раст и развој потребно е да се исполнат одредени предуслови. Најпрво, клучно прашање кое треба да се одговори е каков модел на економски развој сакаме. За почеток, потребно е да се направи анализа на структурата на македонската економија. Како земја во развој која што пред 30 години го промени својот економски модел потребна е основа која што ќе ја трансформира македонската економија во технолошки напредна каде што ќе може да се канализираат иновации и развој. За таа цел потребен е фокус на стартап заедницата и поддшка на истата.
Во современи услови на стопанисување потребни се бизнис модели кои се подинамични и прилагодливи на промени. Имено, стартапите во себе вклучуваат поголема апсорпциона моќ на знаење. Во тој дел, истите имаат можност да се фокусираат повеќе на истражување и развој од каде што произлегува инвентивноста и иновативноста. Исто така, овие субјекти имаат поголема можност да ги антиципираат ризиците во окружувањето, а со тоа и да изградат одржливи системи на кризен менаџмент и организациска клима и култура базирана на креативност. Најважно од се е што овие компании поради конфигурацијата на бизнис моделите како што претходно беше споменато имаат можност да бидат попродуктивни. Најважно од се е што стартапите во себе поради продуктивноста и ефикасноста имаат голем потенцијал за раст. Во таа насока доколку имаме соодветно окружување, систем на поддршка на стартапи со генерирачка снага за брз растеж, предвидливост на бизнис амбиентот, како и добри менторски програми што ќе бидат поддршка на вакви компании, истите ќе можат нивните знаења, иновации и технологии да ги дифузираат, а тие технолошки знаења да се трансферираат во целата економија како и јавниот сектор. На тој начин ќе изградиме економија базирана на знаење со што ќе создадеме основа и простор за поголема конкурентност.
