Агенцијата за цивилно воздухопловство почна кофинансирање од 50 проценти на почетнички обуки на пилотски кадар од кој има сериозен недостаток. На првиот повик објавен пред еден месец од пријавени 16 кандидати, тестирањата ги поминаа 10, а во понеделник ќе биде распишан нов повик за уште девет кандидати.
<
Вицепремиерот и министер за транспорт Александар Николоски и директорот на АЦВ Драги Стојаноски денеска врачија уверенија на седум кандидати за приватен пилот на авион PPL-A SEP land, на двајца за пилот на ултралесни воздухоплови (ULPL) и на еден за пилот на едрилица по програма со аерозапрега (SPL).
