Ова се дел од лицата кои го поставија големото знаме на Република Албанија на источната страна на Самуиловата тврдина во Охрид, во моментот кога пристигнаа на информативен разговор во СВР Охрид.
Случајот денес го забележаа граѓаните кои живеат во тој дел на градот, а на фотографиите може да се забележат четири лица што го поставуваат знамето на тврдината. На социјалните мрежи се појави и фотографија на која се гледа како лице во албанска носија виори знаме на кулата на тврдината, а подоцна и во централното градско подрачје.
За случајот е информирана полицијата која испрати екипа на лице место за да ги утврди околностите кои довеле до настанот. Неофицијално, станува збор за играорна група од Косово, која утрово го поставила знамето на Република Албанија на Самуиловата тврдина во Охрид, во обид да направат сопствен играорен перформанс.
Знамето е веднаш отстрането, а екипа на СВР Охрид приведе четири лица. Во моментов се чекаат понатамошни инструкции од Јавниот обвинител. (Крај)
извор: ОхридПрес фото: ОхридПрес
