Светската музичка ѕвезда Лени Кравиц пред утрешниот концерт во ВИП Арена „Борис Трајковски“ во Скопје се прошета низ центарот на градот и низ Стара чаршија, а тоа го овековечи во видео постирано на неговите профили на социјалните мрежи, во кое земјата ја именува само како Македонија.
<
„Скопје, Македонија, Стара чаршија. Прекрасен ден со средби со прекрасни луѓе.#ТукаЗаЉубов“, напиша легендарниот пејач, текстописец и продуцент со продадени околу 38 милиони албуми.
Именувањето на државата како Македонија, а не со додавката „Северна“, предизвика лавина реакции кај грчките корисници на социјалните мрежи.
