22.9 C
Ohrid
петок, јуни 14, 2024
ПочетнаМакедонијаКолку заработивме, а колку не чинеше посетата на папата?

Колку заработивме, а колку не чинеше посетата на папата?

Ден по посетата на папата се сумираат впечатоците. Покрај емоциите, се пребројува колку пари не чинеше неговата посета и што како држава добивме за возврат од десет часовниот престој на поглаварот на католичката црква.

Трошоците за посетата ќе ги платат Владата и Католичката црква. На товар на папата е само авионскиот превоз, а од ТАВ велат дека аеродромските услуги си ги плаќа авиокомпанијата којашто го превезуваше поглаварот. Но, каде завршуваат државничките, а каде црковните обврски?

Полицијата ја ангажираше речиси целата расположлива сила. Обезбедување, хеликоптерите, специјалните единици, снајперисти, заварени шахти на плоштадот. На сметка на Владата беше и тешничката подготовка за литургија на плоштадот. Изнајмувањето на озвучување, целата бина, видео бимовите, столчињата за вип гостите. Но, колку чинеше, Владата пресметува.

„Бесценети се придобивките од посетата на Папата Франциск во споредба со трошоците за посетата кои пак во најголем дел се превземени во целост од страна на земјата домаќин, а така беше и во нашиот случај.“ – велат од Владата.

По изготвување на деталниот извештај за финансиската конструкција владата транспарентно ќе ја информира јавноста за износот на истата.

Од Католичката црква велат дека тие биле задолжени за црковните церемении. Колку пари потрошиле не откриваат. Велат дека духовните придобивки не се мерат со ништо материјално. Голем дел од работите ги сработиле волнотерите што ги ангажирале од нивното членство, но имале и донации од бизнисмени, од дома и од странство. Ручекот на папата во вилата на скопскиот бискуп на Водно бил скромен и не е на сметка на Владата. Од ресторанот каде се подготвувало јадењето велат дека на папата му подготвиле телешки мускул, пилешко со ориз и трилече.

Со конкретна бројка, ден по посетата излезе само ЈСП чии автобуси бесплатно возеа. Превозот беспари чинел 120 илјади евра.

„По направените пресметки, утврдено е дека во текот на вчерашниот ден бесплатниот превоз го чинел ЈСП Скопје речиси 7,5 милиони денари. Во пресметката е вкалкулиран и бесплатниот превоз кој го имаа и приватните превозници како дел од јавниот превоз.“ – велат од ЈСП.

Властите во Скопје немаат податок колку пари чинеше средувањето на градот и дали биле потрошени екстра пари за чистење, садење цвеќиња и уредување на јавните површини. Немаа ниту податок колку туристи во главниот град ни донесе поглаварот на Католичката црква. Слободните проценки, пак се дека во Скопје вчера имаше над 3 илјади туристи. Најбројни беа Хрватите, но имаше и од сите балкански земји и пошироко. Сите тие придонесоа за економијата, со ноќевање, такси превоз, ресторани.

Дополнително, земјата стана и вест во светот зашто за посетата на папата Франциск известуваат над 60 новинарски екипи. Бугарските медиуми уште пред да дојде папата известија дека нивната влада одвоила дополнителни половина милион евра за неговиот пречек.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Седумте лица кои упаднаа во М-НАВ осудени условно: Немало докази дека била загрозена безбедноста

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено...

Презентирано првото албанско оклопно возило “ШОТА”

Албанската компанија „Тимак“ го комплетираше првото албанско оклопно возило, кое ќе биде претставено на изложбата за одбрана и безбедност „Еуросатори“ во Париз. Во претставувањето на...

Груевски распали по Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси

МАКЕДОНИЈА Груевски за Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси Автор: Деск 4NEWS.MK 14/06/2024 11:31 Во...

По 100 и 200 евра од општина Бутел за најдобрите основци

Под мотото „По правилниот пат чекорам” општина Бутел ја продолжува традицијата која ја започнаа минатите години и доделија парични ваучери на најдобрите ученици...