20.9 C
Ohrid
среда, мај 29, 2024
ПочетнаМакедонијаДибиров: Ако после оваа титула никој не ни помогне, да си одиме...

Дибиров: Ако после оваа титула никој не ни помогне, да си одиме сите во пензија!

Македонски Вардар вторпат во својата историја стана европски првак. Во финалето падна Веспрем, а по натпреварот, Тимур Дибиров не ја криеше среќата и задоволството од постигнатиот успех, ако се земе предвид како изгледаше сезоната на „црвено-црните“.

Беспарица и неизвесност беа над името Вардар, многумина се сомневаа во ракометарите, но тие успеаја да го направат она што за многумина изгледаше невозможно. Се пласираа на Ф4 во Келн, ја победија Барселона, а потоа и Веспрем.

„Имавме пократок ростер, но ние летавме на терен затоа што Вардар за нас е живот. Имавме одличен натпревар, дојдовме на врвот. Ако после оваа титула никој не ни помогне да ја средиме ситуацијата, тогаш сите да ги соблечеме патиките и да ги завршиме кариерите. Ако некој остане рамнодушен по ова, тогаш не знам што да кажам. Оваа титула е поголема од првата, затоа што знаеме низ што се минавме. Среќни сме што си го остваривме сонот“, изјави Дибиров.

За Вардар ова беше втора европска титула по онаа во 2017 година, кога во супер-драматичен Ф4-турнир, како дебитант, ги победи Барселона, а потоа и ПСЖ.

Херои, златни момци, ракометарите на Вардар се европски шампиони втор пат во три години, во финалето го победија Веспрем со 27:24 и повторно седнаа на највисокиот континентален престол.
Ракометарите на Вардар се нови европски шампиони, откако во финалето на завршниот турнир во Лигата на шампионите, во Келн славеа над унгарскиот Веспрем со 27:24.
Ова е втора европска титула за Вардар, претходно се искачија на покривот на Европа во 2017 година, откако во финалето на Ф4 турнирот во Келн славеа над ПСЖ.
Ракометарите на Роберто Парондо се посилни од сите проблеми, тие се вистински херои. Во финалето го надиграа Веспрем, водеа во текот на целиот меч и сосема заслужено се радуваат на нов голем, огромен успех.

По синоќешната неверојатна победа против Барселона, денеска на колена пред Вардар падна и Веспрем, овој пат на еден друг начин. Црвено-црните ракометари доминираа во првото полувреме, имаат пад во второто но се кренаа кога беше најпотребно и победија.
Натпреварот само во првите минути беше изедначен кога се играше гол за гол, потоа Вардар се одлепи, дојде и до предност од шест голови разлика, а на полувремето замина со водство од 16:11.

Во второто полувреме Давид Дејвис на голот го стави Штербик и тоа веднаш се почувствува. Веспрем тргна фуриозно, Вардар за десет минути даде само еден гол. Унгарскиот тим намали на еден гол разлика. Беше неизвесно, мачно полувреме, но кога најмногу требаше вардаровите ракометари го вратија фокусот и го приведоа натпреварот во победнички финиш. На крајот славеа со 27:24

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Загина пешак во Прилеп, малолетник удрил со мотоцикл во него

На 28.05.2024 во ОВР Прилеп било пријавено дека на ул.„Тризла“ во Прилеп, мотоцикл „хамачи” без регистарски ознаки, управуван од малолетник од Прилеп, удрил во...

Дамјан Марковски од Скопје тргна пеш на поклонение до Манастирот Острог

Во чест на Св. Василие Острошки, Дамјан Марковски го започна својот предизвик и тргна пеш од Скопје до Острог. Оваа иницијатива ја објави фондацијата „Марко...

Вработените жени во Македонија да имаат два дена менструално отстуство е еден од предлозите за законски измени на Здружението Новинари за човекови права

Вработените жени во Македонија да имаат два дена менструално отстуство е еден од предлозите за законски измени на Здружението Новинари за човекови права, кое...

Шокаровски: Не е точно дека е зголемена смртноста откако сум назначен за директор, моето разрешување е незаконско

zoom вести македонија ВЕСТИМАКЕДОНИЈАНАСЛОВНА Шокаровски: Не е точно дека е зголемена смртноста откако сум назначен за директор, моето разрешување е незаконско May 29, 2024 во 11:46 Моето разрешување...