20 C
Ohrid
среда, јуни 26, 2019
Почетна Македонија Доколку сакате да возите по автопатот Штип-Миладиновци, ќе треба да подигнете кредит...

Доколку сакате да возите по автопатот Штип-Миладиновци, ќе треба да подигнете кредит од банка..

Translate (Eng):[gtranslate]

Откако десетина пати беше одложено пуштањето во употреба на автопатот, утринава не одговарија зошто немаше официјално сечење на лента. Автопатот чини 200 милиони евра, а се гради речиси пет години, од 2014-та.

„Автопатот е пуштен со исполнување на условите за тоа. Најважно е граѓаните да возат безбедно по новиот и модерен автопат. Се замолуваат учесниците во сообраќајот да ја почитуваат сообраќајната сигнализација, заради нивна безбедност“, рече Зоран Китанов, директор на Агенција за патишта.

Според пресметките од наредната година граѓаните кои патуваат од Скопје до Штип и назад ќе треба да платат 320 денари само за патарини.

РЕКЛАМА

На првата постоечка патарина износот е 40 денари во еден правец, а новите две патарини ќе бидат по 50 и 70 денари во еден правец. И покрај знаците и сигнализацијата, сепак како за прв ден, многу автомобили, го згрешија и патот. Најскапа патарина во земјава ќе биде едната од двете на автопатот Демир Капија – Смоквица која ќе чини 100 денари. Таа треба да почне со наплата за седум дена, а другата допрва ќе се гради.

Така граѓаните кои летово ќе патуваат од Скопје до Богородица, само за патарини ќе треба да платат 280 денари во еден правец или вкупно 560 за во двата правца. Додека пак тие кои патуваат од Табановце до Богородица ќе треба да издвојат по 340 денари за патарини само во еден правец.

Цените на останатите патарини останува иста. Има намалување само на сумите на две патарини кои се плаќаат во евра. А во новиот ценовник има и нова категорија возила, тоа се мотори кои ќе плаќаат поефтина патарина бидејќи до сега влегувале во категоријата автомобили.

- Реклами -