Турската амбасадорка во Северна Македонија Тулин Еркал Кара , која вчера ја посети Алипашината џамија во Охрид, најави дека претседателот на Турција Реџеп Таип Ердоган ќе допатува на свеченоста по повод промовирањето на реконструираниот верски објект.
Таа уште истакна дека се работи на усогласување на терминот со македонските власти за присуство на свеченото отворање на обновената џамија.Се очекува на отворањето да присуствуваат и премиерот Заев и претседателот Пендаровски.
Алипашината џамија беше реконструирана и реновирана согласно одлука на Управата за заштита на културно-историското наследство, со финансиска поддршка на Република Турција, но без градежна дозвола. За амбасадорката и за ИВЗ не е спорно, што објектот е дивоградба.
– „На претседателот Ердоган му беше сон реставрирањето на објектот. Република Туриција и Република Северна Македонија се братски држави. Турција преку агенцијата Тика и вакавското здружение има реновирано повеќе обејкти во Северна Македонија. Нашето пријателство е засекогаш и долгорочно“, рече меѓу другото амбасадорот Кара.
Повикувајќи да се почитуваат различностите, амбасадорката рече дека не гледа ништо спорно во реконтрукцијата, односно дека било испочитувано се што било договорено помеѓу двете држави во врска со реконструкцијата на верскиот објект.
Нејасно е како не гледаат ништо спорно кога објектот е дивоградба, а воедно и една од забелешките на УНЕСКО.
Извор http://www.ohridnet.com/vesti/ohrid/18958-erdogan-zaev-i-pendaroski-kje-ja-otvorat-alipashinata-dzamija
