4.4 C
Ohrid
недела, декември 10, 2023
ПочетнаМакедонијаЖената чиј стан изгоре во пожарот во Кисела Вода моли за помош

Жената чиј стан изгоре во пожарот во Кисела Вода моли за помош

Една кесичка во која ѝ стои мобилниот телефон е сè што сега поседува 58-годишната Милена Стевчевска, од чиј стан пред десетина дена се прошири стравотниот пожар во зградата во близината на Расадник, Кисела Вода.

„Не сакав да се одвојам од дома кога избувна пожарот. Не можев да сфатам дека за толку кратко време може сè да изгори. Сега сум само со оваа кеса и паричникот што ми го купи ќерка ми. Излегов од домот само со едни папучи и ова што го носам на себе“, вели таа плачејќи.

Во станот, кој е целосно уништен, а во кој таа живеела од 1983 година, Стевчевска влегува вторпат по пожарот. Ниту знае како ќе го реновира ниту како ќе преживува и каде воопшто ќе живее во иднина. Од институциите се чекаат одговори, а од граѓаните помош. Сопругот на Милена е починат во далечната 2002 година и оттогаш е самохрана мајка на две ќерки. Зема пензија од девет илјади денари, која ја наследила од сопругот, и тоа е целиот нејзин месечен приход.

Иако пожарот почнал од нејзиниот стан, штета претрпеле многу луѓе од соседните станови. Комплетно се изгорени уште неколку стана на овој и на катот над Стевчевска.

Двата влеза во зградата веќе десетти ден немаат струја.

„Им велам, поради мојот стан, сега сите вие страдате и живеете во оштетени станови. Со ноќи не можам да спијам од гризење на совеста“, вели таа.

Стевчевска во станот живеела со ќерка си, золвата и внукот, кои во тој период биле надвор од земјава. Таа вели дека во еден момент во станот снемало струја, а кога влегла во собата на внукот, видела како гори креветот. Таа не е задоволна од брзината на противпожарните екипи.

„Горе гореше, а тие дојдоа и не мрдаа. Им сметале паркираните возила, не можеле да пријдат. Дури потоа разбрав дека дошле неподготвени и помина речиси цел час додека да се организираат“, вели Стевчевска.

Оваа жена сега живее во малиот стан на другата ќерка, а надлежните ѝ ветиле дека ќе добие сместување во студентскиот дом „Пелагонија“, но засега од ова ветување нема ништо.

Целото сведоштво на Стевчевска може да се гледа во видеото на „А1 он“.

Таа очајно бара помош од граѓаните за да може да го преживее периодот што следува. Стевчевска нема никаков документ за лична идентификација бидејќи сè изгорело во пожарот, па апелира секој што може да уплати барем минимални средства на жиро-сметката на ќерка ѝ:

Ирена Стевчевска

Сметка: 210601593318751

Тутунска банка

Со назнака: Донација за Милена Стевчевска

spot_img
ПОВРЗАНИ СТАТИИ

Најпопуларни

Повеќе постови

Таткото на Вања тврди дека не се познава ниту со Палчо, ниту со другите тројца осомничени

Притворениците и затворениците од Шутка се згрозени од двојното убиство. Тројца од четворицата осомничени кои се во истиот затвор, признаа вина. Тие пред обвинител...

Исчезнатата 22-годишна девојка се вратила во домот !!!

МВР попладнево соопшти дека се вратила дома девојката (22) која беше пријавена дека се одалечила од домот.

Од МВР демантираат: Скопјанецот не напаѓал случајни минувачи, го нападал неговиот познаник !!

ДЕМАНТ: СВР Скопје го расчисти инцидентот во врска со споделено видео по портали за маж кој наводно агресивно се однесувал кон случајни минувачи -...

Се трага по 22-годишна девојка, таткото пријавил во полиција дека ја нема.

Денеска (09.12.2023) во 04.30 часот во Полициската станица Карпош, Д.М.(53) од Скопје пријавил дека од домот се оддалечила неговата ќерка Т.М.(22) од Скопје. Се преземаат...