8.6 C
Ohrid
недела, март 3, 2024
ПочетнаМакедонијаЗАЕВ повторно се предомисли: Ќе биде само вд министер за финансии се...

ЗАЕВ повторно се предомисли: Ќе биде само вд министер за финансии се до изборот на нов министер.

Премиерот Зоран Заев на денешната 103. седница на Собранието, на која се расправа по реконструкцијата на Владата, го повлече предлогот во исто време да биде и министер за финансии.

Заев појасни дека согласно овлатувастувањата со Законот за Влада, ќе раководи со Министерството за финансии, се до изборот на нов министер.

Образложувајќи го овој чекор, тој рече дека мора да се послушаат сугестиите на опозицијата, како и Антикорупциската комисија, која, според него, испратила сериозна порака.

– Уставот и Законот за Влада дозволуваат премиерот да биде и министер. Сепак, му дадов налог на кабинетот да ја повлече мојата кандидатура за министер за финансии. Согласно овлатувастувањата со Законот за Влада, ќе раководам со Министерството за финансии, се до изборот на нов министер, рече премиерот Заев.

Државната комисија за спречување на корупцијата, денеска упати соопштение до Собранието, во кое укажува дека ќе преземе конкретни мерки согласно нејзните надлежности утврдени во Законот за спречување на корупцијата и судирот на интереси, доколку премиерот Зоран Заев би бил избран за министер за финансии.

Собранието на почетокот на седницата констатираше дека на министрите за култура, за земјоделство шумарство и водостопанство, за животна средина и на министерот без ресор, Асаф Адеми, Љупчо Николовски, Садула Дураку и Зоран Шапуриќ им престана мандатот, бидејќи тие претходно поднеле оставки. Ниту еден од министрите не ја образложи својата оставка.

Пратеникот на ВМРО-ДПМНЕ Илија Димовски, повикувајќи се на истите членови од Законот за спречување на корупцијата и судир на интереси, побара од дневниот ред на денешната седница да биде тргната точката за избор на нови министри, но неговиот предлог не беше прифатен.

На денешната собраниска седница пратениците треба да гласаат и за избор на Трајан Димковски за нов министер за земјоделство, Насер Нуредини за животна средина и просторно планирање, Хусни Исмаили за култура, Горан Милевски за локална самоуправа, Садула Дураки за политички систем и односи меѓу заедниците и премиерот Зоран Заев за министер за финансии, функција што ќе ја извршува во определен период заедно со функцијата претседател на Владата.

На дневен ред на денешната седница се и предлозите за разрешување на Драган Тевдовски од функцијата министер за финансии, Сухејл Фазлиу од функцијата министер за локална самоуправа и Хазби Лика од функцијата министер без ресор задолжен за спроведување на Рамковниот договор.

spot_img
spot_img
ПОВРЗАНИ СТАТИИ

Најпопуларни

Повеќе постови

Битолчанец ги искоцкал парите, па го запалил казиното.

35-годишник подметнал пожар во казино, соопштија од Битолската полиција. Според информациите, синоќа во 02.15 часот во Битола, полициски службеници од СВР Битола го лишиле од...

Пендаровски објави: Собрани се 10.000 потписи за неполни пет часа

Актуелниот претседател, Стево Пендаровски, кој се кандидира за втор мандат на претседателските избори објави дека за помалку од пет часа успеал да собере 10.000...

Силјановска Давкова за само четири часа собра над 15.000 потписи

За само четири часа, во периодот од осум изутринава до 12 часот кандидатката за претседател на Македонија, Гордана Силјановска Давкова над 15.000 граѓански потписи...

Јанкулоска со поддршка за Силјановска-Давкова

Поддршка за мојата професорка, затоа што докажа дека жената истовремено може да биде добра мајка, посветена сопруга и експерт во својата професија – сочуствителна...