12 C
Ohrid
четврток, септември 19, 2019
Почетна Свет Трамп е првиот американски претседател кој зачекори по тлото на Северна Кореја

Трамп е првиот американски претседател кој зачекори по тлото на Северна Кореја

Translate (Eng):[gtranslate]

Американскиот претседател, Доналд Трамп, пристигна во демилитаризираната зона (ДМЗ) меѓу двете Кореи, каде што се состана со севернокорејскиот лидер, Ким Џонг-ун. Трамп и Ким се состанаа на линијата на демаркација, а Ким го покани својот гостин заедно да прошетаат по границата и да ја преминат истата. Така, Трамп стана првиот американски претседател кој некогаш зачекорил на тлото на Северна Кореја.

Трамп претходно најави дека ќе го повика Ким во Белата куќа, па така и сторил. Си-ен-ен пишува дека Ким уште не одговорил на поканата.

„Ова е историски момент“, истакна на средбата севернокорејскиот лидер.

РЕКЛАМА

„Преминот преку линијата на демаркација претставува голема чест за мене“, рече Трамп, додавајќи дека со Ким ги поврзува големо пријателство.

„Се случуваат одлични работи. Се сретнавме и се допаѓаме еден со друг уште од првиот ден“, изјави Трамп за новинарите.

Тој, пред состанокот со Ким, со претседателот на Јужна Кореја, Мун Џае-ин, го посети стражарското место на најсеверниот дел од јужнокорејската страна на ДМЗ, кое гледа кон Северна Кореја, каде што разговараше со американски и јужнокорејски војници.

Ова е прва посета на Трамп на ДМЗ, а на вчерашната средба со претседателот на Јужна Кореја, рече дека со Ким ќе се ракува и ќе го поздрави.

- Реклами -