11.5 C
Ohrid
четврток, јули 18, 2019
Почетна Свет Mеркел: Земјите од Западен Балкан имаат уште многу услови да исполнат

Mеркел: Земјите од Западен Балкан имаат уште многу услови да исполнат

Translate (Eng):[gtranslate]

Германската канцеларка Ангела Меркел не очекува брз прием на земјите од Западен Балкан во ЕУ, но потенцира дека регионот има европска перспектива.

Во својот видео поткаст, објавен денеска по повод претстојниот Самит за Западен Балкан, Меркел истакна дека земјите од овој регион треба уште многу пречки да надминат и многу услови да исполнат.

– Патот и натаму е полн со камења, рече Меркел.

РЕКЛАМА

Сепак, таа потенцираше дека во регионот постојат позитивни примери на дијалог, посебно потенцирајќи го решавањето на долгогодишниот спор меѓу Скопје и Атина за името.

– Со политичка храброст, премиерите на Северна Македонија Зоран Заев и на Грција Алексис Ципрас успеаја да го решат тој конфликт.

– Ваквиот позитивен пример треба да биде охрабрување за решавање на проблемите во Босна и Херцеговина, како меѓу Србија и Косово, истакна германската канцеларка.

- Реклами -