1 C
Ohrid
недела, декември 8, 2019
Почетна Македонија Пожарот во Велмеј будно се следи: Градоначалникот Ногачески апелира на смиреност бидеќи...

Пожарот во Велмеј будно се следи: Градоначалникот Ногачески апелира на смиреност бидеќи нема место за паника, а вестите што кружат на интернет не се доволно проверени

Translate (Eng):[gtranslate]

Штотуку се вратив од село Велмеј. Таму бев и цело попладне и го следев дејствувањето на двата канадери, а се искачив и на позицијата каде локалното население превентивно дејствуваше против огнот, кој се движеше во правец на селото.
Пожарот кој од вчера зафати шумско подрачје од 70 тина хектари и покрај дејствувањето на вработените во Јавното шумско претпријатие, канадерите и локалното население се уште не е локализиран. Меѓутоа, состојбата не е ниту толку критична, ниту “излегла од контрола”,ниту пак некој го оставил селото на немилост на огнената стихија, како што пренесуваат некои портали.
Напротив. Веднаш по појавата на пожарот уште претходниот ден дејствувале и ТППЕ Охрид и вработените во Јавното претпријатие. Меѓутоа, поради тоа што гори претежно смрека, која е лесно запалива и пред се поради непристапниот терен, изутрината во договор со одговорните во Шумското претпријатие, како градоначалник се обратив до Дирекцијата за заштита и спасување со барање да се дејствува со канадери. Тоа е стандардна процедура. Барањето беше одобрено и два канадери попладнето дејствуваа претежно во најнепристапниот дел, по планинскиот срт. Според воспоставените процедури канадерите можат непрекинато да дејствуваат три часа и тие тоа го направија.
Утрово во 5.00 часот гаснењето продолжува од страна на вработените на Шумското претпријатие, по однапред утврден распоред и ТППЕ ( макар што поради непристапниот терен противпожарните возила се хендикепирани да дејствуваат) .
Ако се оцени потреба повторно ќе побараме да интервенираат и канадерите.
Беше одлучено превентивно во селото да остане едно возило на ТППЕ Охрид. Вечерва имаше недоразбирање и некоординираност во командите, но тоа е решено и возилото останува.
Не се точни лиферуваните информации дека огнот стигнал до првите куќи во селото. Превентивно и будно се следи состојбата.
Апелирам на смиреност.
До сите медиуми и интернет портали апелирам секоја вест пред да ја објават добро да ја проверат.
Ви стојам на располагање за контакт во секое време.

Напиша Ногачески на својот Фејзбук профил.

РЕКЛАМА
- Реклами -