Денес после 24 часа поминати во станица судот ги ослободи седуммината приведени Волинчани, за кои и тие незнаат зошто се приведени. Се случи така брзо како и на секој фудбалски натпревар имаше навивање-скандирање, веење на знамето од Кутлеш но немаше никаков физички напад и никаково нарушување на јавниот ред и мир, пишуваат Волинчани за Шило Магазин.
Но МВР денес излезе со официјална информација за
инцидентот во Волино: На 08.09.2019 во с.Волино-Дебрца на
фудбалски натпревар помеѓу екипите на ФК
Сатеска од с.Волино и ФК Црно буки од Битола
околу 17.05 ч. поради незадоволство од одлука
на судиите З. Т. (47) од с.Волино влегол на
теренот да ги нападне, пишува во
соопштението на МВР.
“Полициски службеници интервенирале и при превземање на мерки за приведување
на З.Т.. тој пружил отпор, а полициските службеници во извршувањето на службени
дејства ( при приведувањето на игралиштето и потоа и при транспорт на приведените)
биле попречувани од Т.Н. (50) од с.Волино, К. Н. (21) од с.Волино, С.Б. (37) од.
с.Волино, Д.С. (24) од с.Волино, Б.А. (36) од с.Волино, Н.С. (27) од. с.Волино, М.А.
(59) од с.Волино, кои се приведени во ПС Охрид. Во попречувањето учествувале и
Г.Д., А.В. и Ѓ.И. за кои се преземаат мерки за пронаоѓање. Известен е јавен обвинител
и против лицата ќе бидат поднесени соодветни поднесоци”, објави официјално МВР за
инцидентот во кој се приведени 7 луѓе.
