8.9 C
Ohrid
среда, ноември 20, 2019
Почетна Македонија Потврдени затворските казни за нападот на Села

Потврдени затворските казни за нападот на Села

Translate (Eng):[gtranslate]

Скопска апелација им ги потврди затворските казни на осудените за нападот на Зијадин Села во Собранието. Tие по добивањето на пресудата треба да добијат упатен акт за да одат во затвор од судија за извршување санкции.

Судијката од Основниот суд Скопје 1, Славица Андреевска, минатата година обвинетите ги огласи за виновни, бидејќи со умисла се обиделе го убијат пратеникот Зијадин Села.

Според пресудата, најголема казна од 13,6 години доби Никола Војминовски, а Кире Георгиевски и Александар Јаневски-Тошта добија по 13 години затвор. По десет години и шест месеци затворски казни добија Андреј Мицов, Николче Димитриевски, Оливер Ошавковски и Коста Делов.

РЕКЛАМА

Никола Војминовски, кој се наоѓаше во куќен притвор до правосилноста на пресудата, избега и сè уште е недостапен за органите на прогоот.

За обидот за убиство на Села првично беа обвинети 10 луѓе, но Сашо Сенков беше ослободен од обвинение, а обвинението за Стојан Павлевски и Цејо Ѓорѓиевски беше преиначено во насилство, па по признавањето вина, беа осудени на три, односно една година и два месеца затвор.

- Реклами -