20.9 C
Ohrid
среда, мај 29, 2024
ПочетнаМакедонијаАнтички предмети стари околу 2.500 години се откриени на граничниот премин Прешево-Табаовце...

Антички предмети стари околу 2.500 години се откриени на граничниот премин Прешево-Табаовце во автомобил управуван од Македонец

Како што наведува Царината во соопштението, предметите се откриен во вторникот кога дежурен цариник и полицаец на влезот во Србија темелно извршиле проверка на автомобил со италијански регистарски таблички, управуван од 54-годишен македонски државјанин.

На задното седиште на автомобилот, во патна торба со лични работи биле откриени седум камени предмети со археолошка вредност. Станува збор за пет камени артефакти изработени од жолто-кафен килибар и два мермерни предмети со стилизирани претстави на жена, маж и коњ, изведени во техника на резба, како и еден камен сад во форма на вазна.

Повеќето артефакти тежат помеѓу 300 и 400 грама, додека најголемата е високо стилизираната претстава на глава и бистата на маж со истакнати делови (очи, нос, уста, коса и гради) со тежина од 2,5 килограми.

Српската Царина информира дека возачот на автомобилот на службениците им рекол дека предметите ги добил од негов пријател, кој ги пронашол во близина на Струмица и дека имал намера да ги однесе во Италија, каде живее за да го красат неговиот дом.

Бидејќи станува збор за антички предмети чија старост и вредност можат да се утврдат само со стручно вештачење, српската Царина го консултирала Одделот за археологија на Народниот музеј во Врање, кој потврдил дека се работи за артефакти од хеленистичиот период стари околу 2.500 години.

Бидејќи се работи за странски државјанин, Прекршочниот суд во Прешево по итна постапка донел одлука да го казни лицето кое се обидело да ги шверцува антички предмети со парична казна, а бидејќи вредноста на прекршокот надминува една третина од вредноста на возилото во кое се пронајдени артефактите, задржан е и автомобилот марка „Голф 3 Караван“.

Со пресудата, одлучено е дека предметите треба трајно да се одземат и да се предадат на Народниот музеј во Врање.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Загина пешак во Прилеп, малолетник удрил со мотоцикл во него

На 28.05.2024 во ОВР Прилеп било пријавено дека на ул.„Тризла“ во Прилеп, мотоцикл „хамачи” без регистарски ознаки, управуван од малолетник од Прилеп, удрил во...

Дамјан Марковски од Скопје тргна пеш на поклонение до Манастирот Острог

Во чест на Св. Василие Острошки, Дамјан Марковски го започна својот предизвик и тргна пеш од Скопје до Острог. Оваа иницијатива ја објави фондацијата „Марко...

Вработените жени во Македонија да имаат два дена менструално отстуство е еден од предлозите за законски измени на Здружението Новинари за човекови права

Вработените жени во Македонија да имаат два дена менструално отстуство е еден од предлозите за законски измени на Здружението Новинари за човекови права, кое...

Шокаровски: Не е точно дека е зголемена смртноста откако сум назначен за директор, моето разрешување е незаконско

zoom вести македонија ВЕСТИМАКЕДОНИЈАНАСЛОВНА Шокаровски: Не е точно дека е зголемена смртноста откако сум назначен за директор, моето разрешување е незаконско May 29, 2024 во 11:46 Моето разрешување...