ПРОМОВИРАНА АУДИОКНИГАТА „ОВА НЕ Е КРАЈ“ ПОСВЕТЕНА НА ТОШЕ ПРОЕСКИ

Денеска беше промовирана аудиокнигата „Ова не е крај“ посветена на Тоше Проески, од страна на Националниот сојуз на слепите како и звучното месечно списание „Панорама“, кое е гласник на Сојузот за информирање на слепите и слабовидните лица од земјава и од регионот. Министерството за култура со години ја поддржува издавачката дејност на Националниот сојуз на слепите зашто посветено работиме на спроведување на нашите политики за надминување на различностите, за кршење на бариерите, на намалување на границите и на разликите помеѓу луѓето од каков било вид – рече министерот за култура Хусни Исмаили. На свеченоста во Националниот сојуз на слепите, организирана по повод 15 ОктомвриСветскиот ден на Белиот стап се обрати претседателот на Сојузот, Жарко Селковски, а беа
промовирани и последните броеви од списанието „Панорама“.За потсетување Тодор „Тоше“ Проески (25 јануари 1981 – 16 октомври 2007) — познат
македонски пејач и една од најголемите ѕвезди на балканската музичка сцена, каде што еМузичката кариера ја започнал со настапот на прилепскиот фестивал Мелфест во 1997, каде што и победил изведувајќи ја песната наYesterday од Битлси. Патот кон ѕвездите му го отвораат песните Пушти ме (1997) и Остани до крај (1998). Имал блиска соработка со Џеф Бек, Григор Копров, Жељко Јоксимовиќ, Леонтина Вукомановиќ, Марина Туцаковиќ, Бора Ѓорѓевиќ, Миро Буљан, Антонија Шола, Тони Цетински, Phoebus, Ања Рупел и голем број на други влијателни балкански и светски музичари и композитори.
Се смета дека подемот во неговата кариера започнал по изведбата на песната Твоите
бакнежи на моите бели кошули на Скопскиот фестивал во 1999 година. Во меѓувреме Тоше станал дел од продуцентската куќа Авалон, каде што останал се до истекувањето на неговиот договор во април 2002. Во 2004 година бил прогласен за Амбасадор на добрата волја на УНИЦЕФ. Негов заштитен знак е познатиот израз Ве сакам сите.
Загина на 16 октомври 2007 во сообраќајна несреќа во Хрватска. Постхумно бил прогласен за заслужен граѓанин на Македонија. Денот на неговиот погреб, 17октомври, е прогласен за Ден на национална жалост.