7.5 C
Ohrid
сабота, март 2, 2024
ПочетнаМакедонијаПо деветти пат се одржува ултрамаратонот „Крали Марко треалс“

По деветти пат се одржува ултрамаратонот „Крали Марко треалс“

Околу 300 учесници од 20 земји денеска учествуваат на ултрамаратонот „Крали Марко треалс“ – манифестација која се одржува по деветти пат.

Учесниците изутрината од 8 и од 10 часот стартуваа од најстарата прилепска населба Варош, преку марковите Кули до Козјак и назад. Трчаат во три патеки, на 16, на 34 и на најдолгата, ултрамаратонот од 67 километри.

Според Игор Јовановски од клубот „Трекс“ од Скопје, организатор на овој веќе традиционален ултрамаратон, манифестацијата станува една од најпрепознатливите во земјава кога се во прашање ултрамаратоните, а има сѐ повеќе луѓе во земјава кои спортуваат и сакаат да живеат здраво.

– Овој ултрамаратон „Крали Марко треалс“ се организира по деветти пат од Марковите Кули до Бабуна до висинска разлика од 3.600 метри. Овој е еден од поголемите ултрамаратони во државата. Започнува од најстарата прилепска населба Варош, па Трескавец, до врвот Козјак, присад, под манастирот Свети „Архангел Михаил“. Претставува убав спортско-рекреативен настан кој дополнително го претставува целиот прилепски регион пред вљубениците во планинското трчање. Имаме речиси 300 учесници од 20 држави. Се натпреваруваат во три трки: најдолгата и најтешка е 67 километри, потоа на 34 и на 16 километри. Од осум часот изутрината стартуваше најдолгата трка од 67 километри, а од 10 часот другите две, од 34 и од 16 километри, каде е помасовното учество, појасни Јовановски.

Тој смета дека во државава има сѐ повеќе луѓе кои го практикуваат спортот и во нивното секојдневие го имаат здравиот начин на живот.

Меѓу учесниците се и Бојан Марковиќ, од Јагодина, Србија, како и Јозеф Веверка од Словачка кои за првпат се тука.

– Првпат сме овде. Ќе трчаме 67 километри. Не привлекуваат природата, крајот, историјата. Минатата година бевме на планинарење во околината, ни се допадна Прилеп и сега учествуваме на ултрамаратонот, вели Бојан Марковиќ од Србија.

Јозеф од Словачка вели дека му се допаѓа ваквото планинско трчање и смета дека пределот е одличен за тоа.

Ивана Ценевиќ од Србија која е учесник по третпат вели дека многу ѝ се допаѓа затоа што стекнала и пријатели.

– Третпат учествувам на трката. Кога дојдов првиот пат, патував 14 часа, ама многу ми се допаѓа овде. И продолжив да доаѓам. Пределот ме фасцинира, го нема ваков во Србија. Најдов и пријатели и така тоа трае еве веќе три години, рече Ценевиќ.

Прилепчанецот Александар Стојкоски трипати победувал и очекува одличен резултат и годинава.

– Петти пат сум дел од овој ултрамаратон. Очекувањата ми се да истрчам за околу седум и пол часа. Теренот бара голема подготвеност, не е лесен. Трчаме кон Трескавец, па Плетвар, Козјак, потоа се спуштаме кај селото Крстец, па манастирот „Свети Ѓорѓија“, Вештачкото езеро, врвот Единак, Дабница, пак Трескавец и назад во Варош. Патеката е 67 километри со 3.600 метри висинска разлика. Трипати сум победник на оваа трка, очекувам одличен резултат и годинава, рече Стојкоски.

spot_img
spot_img
ПОВРЗАНИ СТАТИИ

Најпопуларни

Повеќе постови

ЗИБЕРИ: Многу лични документи кои се обработени и подготвени за доставување се заглавени во лавиринтите на МВР

Готови документи се заглавени во лавиринтите на МВР, а поднесени се 50 претставки до Народниот правобранител. „Многу лични документи кои се обработени и подготвени...

Обвинителот Коцевски: Сум имал 50 до 60 вакви случаи, но како убиството на Вања Ѓорчевска немав видено

Државниот обвинител Љупчо Коцевски во првото телевизско интервју, во ТОП Тема на Телма наведе дека во обвинителската кариера истражувал многу злосторства, но како убиството...

Зад себе имам мандат без ниту една стратешка грешка, рече Пендаровски

Претседателот Стево Пендаровски ја објави кандидатурата за нов мандат на претстојните претседателски избори. Пребарај.. МАКФАКС МАКФАКС МАКЕДОНИЈАПендаровски ја објави кандидатурата за нов мандат: „Не ме контролира никој, ниту...

Скопјанец не пријавил дека е почината мајка му, па девет години ја земал инвалидската пензија !!!

Одделот за сузбивање на организиран и сериозен криминал поднесе кривична пријава против Н.Љ.(60) од Скопје поради постоење основи на сомнение за сторено кривично дело...