ашо Мијалков, поранешниот директор на УБК, денеска се појави на судењето за случајот „Трезор“, но во меѓувреме истечени биле максимално дозволените 90 дена од едно до друго рочиште по што фомално судењето за овој предмет на поранешното СЈО започнува одново. Делумно на истекувањето на рокот од 90 дена влијаеше и непојавувањето на Мијалков на последното закажано судење во петокот кога адвокатот за истиот случај донесе медицинска документација дека имал болки во желудникот.
Тој имал покачена телесна температура и повраќал, наведе одбраната со медициска документација. Мијалков е првообвинет во случајот, а на обвинителна клупа се и поранешниот шеф на неговиот кабинет Тони Јакимовски, поранешниот помошник-министер во МВР Небојша Стајковиќ и поранешниот началник на Петтата управа во МВР Горан Грујевски.
Формалниот почеток на новото судење за предметот „Трезор“ започна денеска а ексшефот на тајната полицијасе појави на судењето. На денешното рочиште беше прецизирано обвинението во однос на износот на штетата. Предметот е во фаза на доказна постапка и треба да продолжи со сослушување сведоци.
Обвинетите се товарат дека набавиле опрема за прислушување во Лондон, 2010 година, но набавката не одела преку МВР, туку преку компанијата „Финзи“. Според обвинението на СЈО, „Финзи“ во договор со УБК и МВР увозот на опремата го фактурирала по двојно поскапа цена. Следното рочиште е закажано за 21 октомври.
