15.1 C
Ohrid
понеделник, октомври 21, 2019
Почетна Македонија Пендаровски: Бугарија не најави дека ќе блокира датум за преговори со ЕУ,...

Пендаровски: Бугарија не најави дека ќе блокира датум за преговори со ЕУ, за понатаму ќе видиме

Translate (Eng):[gtranslate]

Нема најави од бугарскиот државен врв дека ќе го блокираат доделувањето датум за отпочнување преговори со ЕУ, изјави претседателот Стево Пендаровски, одговорајќи на новинарско прашање на денешната зедничка прес-конференција со црногорскиот претседател Мило Ѓукановиќ во вила „Водно“.

Според Пендаровски, бугарскиот државен врв на одржаниот состанок во понеделникот најави поставување барања кои би биле врамени како нивни бенчмаркови во понатамошниот тек на преговорите.

„Нема никаква најава ниту од релевантен фактор од соседна Бугарија, дали е тоа претседател, дали е Владата, надлежните министри, дека Бугарија сега ќе нѐ блокира во средината на овој месец кога чекаме да добиеме датум за преговори, кога ја очекуваме европската одлука на 15 или на 17 октомври. Како понатаму, не само Бугарија, туку можеби и Грција низ понатамошната имплементација на Преспанскиот договор, ќе се однесува во текот на преговорите кои траат со години, во тој долг процес, ќе видиме. Допрва ќе прочитаме и чуеме тоа што го најавуваат како преговарачка рамка за ова прашање, но повторувам тоа е за понатамошниот период кога ќе почнеме да преговараме, се надеваме од почетокот на 2020 година“, рече Пендаровски.

РЕКЛАМА

Тој додаде дека во оној момент кога ќе ја видиме преговарачката позиција ќе може да кажеме како ние ќе одговориме на тоа.

„Ние не можеме на хипотетска преговарачка рамка да антиципираме што може тие да бараат од нас. Таа е реалноста во ЕУ, тие што се внатре бараат или поставуваат услови за оние што се надвор. Тоа може да дојде и низ заедничката европска позиција. Секоја од земјите членки дава импут, тоа што мисли дека е нејзин национален интерес и тоа на крај нам ни се претставува како кандидат како позиција на ЕУ“, рече Пендаровски.

- Реклами -