Кавадарчанецот Борче Стаменов речиси 4 години радува семејства од сите краеви на Македонија. Тој е основач на иницијативата “Донирај компјутер” преку која собира стари компјутери од луѓе на кои повеќе не им се потребни, ги поправa и ги дарува на семејства кои немаат доволно пари да им овозможат компјутер на своите деца. Денеска, тој на својот Фејсбук профил објави дека го донирал 100-тиот компјутер и дека ќе донира уште толку: “3 години, 10 месеци и некој ден ни требаа да ја постигнеме целта која мислевме дека е недостижна. Излезе, дека ништо не е недостижно ако сакаш и имаш силна желба да го направиш. Денес го дадов стотиот дониран компјутер. Она шо почна како “од нас, за нас” излезе баш така”, вели Стаменов.
РЕКЛАМА
