Операцијата на малата Сандра Ангеловска која боледува од тумор и за која се собираа донации е направена. Член на нејзиното семејство ни потврди дека девојчето е оперирано вчера и дека во моментов се следи нејзината состојба во болницата „Атлас” во Белград. Операцијата траела три часа и поминала добро, но на Сандра и се потребни пари за хемотерапиите кои ќе ги прави во иднина.
Извршувањето на хируршката интервенција за болеста на девојчето од Крива Паланка значи дека се собрани донации во износ од 12.000 евра кој семејството претходно ги бараше.
За во иднина на 13 годишната Сандра и се потребни пари за хемотерапиите кои ќе и требаат за да закрепне и да ја победи болеста.
Сумата која ќе биде потребна за хемотерапии, лекарите од Белград ќе треба на семејството дополнително да му ја соопштат.
Во моментов се отворени телефонски линии за донации на кои може да се донираат пари за оздравувањето на малата Сандра.
Број за донации од оператор A1 за Сандра е 143 479 и на операторот Телеком , 070/143-102
Број на сметка 200 – 0022909374 – 56 Стопанска Банка
На Далибор Ангеловски (татко на Сандра) со ЕМБГ 0306982424005
Семејството се заблагодарува на сите кои донираа за операцијата на девојчето и апелираат за донации за хемотерапиите на Сандра.
