7.6 C
Ohrid
сабота, март 2, 2024
ПочетнаМакедонијаЗаев: Се што ветив ќе исполнам- Минималната плата се зголемува на 14.500...

Заев: Се што ветив ќе исполнам- Минималната плата се зголемува на 14.500 денари

Минималната плата од декември се покачува на 14 500 денари. Владините претставници постигнаа договор со синдикатите, стопанските комори и работодавачите за раст на минималецот од две илјади денари, кој власта го опиша како историски најголем досега. Од владата велат компаниите нема да ги остават сами – помош ќе им бидат субвенциите за раст на платите, кои ќе бидат достапни од ноември.

– „Не е тоа нешто со кое што ние правиме притисок врз компаниите, напротив, ние се обидуваме нив да им помогнеме со две мерки, субвенционирање на придонесите и воедно преку законот за финансиска поддршка.” – Кочо Анѓушев – вицепремиер за економски прашања.

– „Ако тие покачат 2000 денари во ноемвриска плата со ипслата во декември, тие ја покачиле минималната плата а ќе ги искористат субвенциите за покачување на платата, значи една со друга се комплементарни мерките, но не значи дека сите ќе ја покачат минималната плата со субвенции, некој ќе ја покачи без да користи субвенција. – Мила Царовска – министерка за труд и социјална политика.

Дека растот на минималецот може да стави клуч на помалите фирми, претходно алармираше и Организацијата на работодавачи. Сепак, веруваат дека субвенциите ќе бидат од помош, а за работниците велат ќе се најде место во поуспешните компании.

– „Мислам дека пазарот ќе успее евентуалните затворања на овие помали компании кои не работат директно со клиентите, туку преку втора трета рака земаат работа и дека тие ќе се вработат во оние конфекции кои ќе обезбедат поголема продуктивност, подобри услови за работа, почитвање на работнички права и ќе можат да ги прифатат тие евентуално луѓе кои би останале без работа.” – Ангел Димитров – Организацијa на работодавачи на Македонија.

Од Сојузот на синдикатите пак, побараа сразмерно покачување на платите во сите сектори и примена на колективните договори.

– „Eве го подобруваме стандардот за работниците кои што се со најниски плати, но мора да мислиме и на другите работници кои се на повисоки нивоа, и затоа бараме сразмерно покачување на платите преку примена на колективните договори на ниво на гранка и сектор.” – Дарко Димовски – ССМ.

Поддршка на зголемување на минималната плата дадоа и стопанските комори, но посочија дека неопходни се сет мерки за зголемување на продуктивноста на фирмите. Забелешки за тоа, пред неколку дена стасаа и од Светска банка, која порача дека со зголемување на минималецот без мерки економијата на среден рок ќе се соочи со дополнително намалување на продуктивноста.

spot_img
spot_img
ПОВРЗАНИ СТАТИИ

Најпопуларни

Повеќе постови

ЗИБЕРИ: Многу лични документи кои се обработени и подготвени за доставување се заглавени во лавиринтите на МВР

Готови документи се заглавени во лавиринтите на МВР, а поднесени се 50 претставки до Народниот правобранител. „Многу лични документи кои се обработени и подготвени...

Обвинителот Коцевски: Сум имал 50 до 60 вакви случаи, но како убиството на Вања Ѓорчевска немав видено

Државниот обвинител Љупчо Коцевски во првото телевизско интервју, во ТОП Тема на Телма наведе дека во обвинителската кариера истражувал многу злосторства, но како убиството...

Зад себе имам мандат без ниту една стратешка грешка, рече Пендаровски

Претседателот Стево Пендаровски ја објави кандидатурата за нов мандат на претстојните претседателски избори. Пребарај.. МАКФАКС МАКФАКС МАКЕДОНИЈАПендаровски ја објави кандидатурата за нов мандат: „Не ме контролира никој, ниту...

Скопјанец не пријавил дека е почината мајка му, па девет години ја земал инвалидската пензија !!!

Одделот за сузбивање на организиран и сериозен криминал поднесе кривична пријава против Н.Љ.(60) од Скопје поради постоење основи на сомнение за сторено кривично дело...