Извори од албанското обвинителството информираат дека дека во актуелната афера со отуѓување на имот во Албанија вмешани се и функционери од Македонија, кои со пари со сомнително потекло купувале недвижен имот на албанскиот брег, пренесува порталот Тетова сот.
Судот во Драч ја потврди одлуката од пред два дена за определување на притвор за 20 лица вклучени во скандалот за отуѓување на земјиште во заливот Лалез во соседна Албанија.
Меѓу приведените се поранешениот директор на катастар и поранешниот градоначалник на општина Ишми, поранешни службеници во катастарот во Драч и други лица кои биле вклучени во отуѓување на голема површина на земјиште во заливот Лалез.
Рочиштето за преиспитување на издадените мерки на претпазливост се одржа под засилено полициско присуство.
