Седите во кафуле, не ви текнува што сакате да се напиете, кога, келнерот ви вели дека на менито имаат нова понуда на пијалаци кои го подигнуваат расположението… За малку ќе падневте во замката… Кана-кола е само за медицински цели.
Сопственик на компанијата за производство на пијалаците е Кајл Батлер од Калифорнија, кој инаку ниту пие ниту пуши. Неговите пијалаци се наменети за продажба во земјите каде што е легализирано користењето марихуана за медицински цели, како Колорадо и Калифорнија.
Целта на компанијата е да се создаде вкусен пијалак со марихуана, кој ефективно ќе се употребува за медицински цели, додека истовремено ќе ја легализира неправедно жигосаната индустрија.
Негазираните пијалаци ќе доаѓаат во 5 вкусови, а цената ќе им се движи меѓу 10 и 15 американски долари.
Кана-кола верува дека болеста е сама по себе голем товар. Затоа, тие дизајнирале амбалажа со весели бои, забавни графики и смешни имиња. Целта е пијалакот да донесе насмевка на лицето кое го држи шишето в рака.
„Познато е дека смеењето го подобрува имуниот систем, го намалува крвниот притисок и испушта ендорфин во човечкиот систем. Па, ако смеата не е секогаш најдобриот лек, чувството на среќа е круцијален дел од борбата со болеста и процесот на опоравување… Да им носите радост на оние кои страдаат не е причина за срамење. Тоа е причината поради која постоиме.“
