8 C
Ohrid
четврток, ноември 14, 2019
Почетна Македонија Караманлис: Со потпишувањето на Договорот од Преспа не се добива автоматски билет...

Караманлис: Со потпишувањето на Договорот од Преспа не се добива автоматски билет за ЕУ

Translate (Eng):[gtranslate]

Караманлис, како што пишува „Катимерини”, рекол дека Грција не го искористила соодветно преседанот што го поставил тој кога го блокирал влезот на Македонија во НАТО во 2008 година и дека настаните откриле „големи слабости” на Договорот од Преспа.

„Можевме да бараме и да постигнеме многу повеќе. Неодамнешните настани потврдија дека ‘другите’ сакаат да се приклучат на НАТО и на ЕУ и дека се уште мораат повеќе да докажуваат. После се, се чини дека имаат повеќе проблеми отколки оние со Грција”, изјавил Караманлис.

Што се однесува до позицијата на Македонија, тој кажал дека земјите кои имаат аспирации, порано или подоцна, да станат членки на Европската Унија мораат целосно да го применат и спроведат европското однесување, европските принципи и вредности.

РЕКЛАМА

„Никој не треба да претпоставува дека со потпишувањето на Преспанскиот договор автоматски добива билет за Европската Унија”, порачал Караманлис.

Караманлис ја водеше грчката конзервативна влада од 2004 до 2009 година и беше лидер на Неа демократиа 12 години.

 

- Реклами -