6.8 C
Ohrid
недела, ноември 29, 2020
Почетна Македонија 200-300 години ова е наше место, Турците не ни го зедоа а...

200-300 години ова е наше место, Турците не ни го зедоа а сега извршител сака да ни го земе”

Translate (Eng):[gtranslate]

По драмата од пред три дена кога пред куќата на Ристе Бањеглав од Карбинци извршителка со 20 полицајци дошле да му ја запленат куќата поради лихварски долг, конечно е дојдено до некаков договор за право на приговор до Основниот суд во Штип. Одземената поќукнина од Виница била вратена во куќата на Бањоглав. Сето ова се одвивало пред очите на неговите две деца.

Бањеглав и неговото семејството повторно се во нивната куќа, со право да дадат приговор на решението за присилно иселување.

„Утре треба да поднесам приговор. Барем тоа го прифати извршителката. Таа пред три дена за тоа не сакаше ни да слушне. За ваквата разврска многу ми помогна генералот Стојанче Ангелов, претседателот на мојата партија Достоинство. Благодарејќи на неговата помош дојде до ваква разврска“, вели Бањеглав во изјавата за МКД.мк.

РЕКЛАМА

Ристо Бањоглав

Лихварот, или со јазикот на извршителите, доверителот, според Бањеглав досега најмалку два пати си го наплатил долгот од него. „Ми го зеде комбето, дадени му се еден милион денари и трошоци за извршителката. Ќе му дадеме уште пари, само да нѐ остави на мира. Извршителката пресметала дека му должиме уште само 100.000 денари. Ќе ги најдам и тие пари, само да нѐ остават на мира. Ова не е нормално, не е христијански“, рече  Ристе Бањеглав и додаде дека тој од куќата нема да си оди по која било цена. „Ова е мое. Сам сум го изградил и спечалил. Не барам нешто да ми се даде или некој да ме сожалува“.

Сѐ почна пред три години. Тогаш Бањеглав  од сопругот на своја братучетка, лихварот, позајмил 10.000 евра. Како гаранција кај нотар ги ставил куќата и земјиштето под и околу неа. Бањоглав најпрво вратил 5.000 евра на лихварот, а подоцна и дополнителни 10.000 евра преку извршител.

И покрај тоа, преку извршител имотот неколку пати бил ставен на лицитација, а откупуван бил дури 16 пати.

На последната лицитација Бањеглави не се јавиле затоа што не биле известени, па сопственик на имотот станал лихварот, кој веднаш побарал иселување на сопствениците.

Ристе Бањеглав беше и кандидат на Достоинство за градоначалник Карбинци, а не стана градоначалник за стотина гласа. Позајмицата ја земал за подигање на фарма од 100-тина кози.

Бањеглав своевремено од државата беше награден како најдобар млад земјоделец.

Бањеглав досега финансиска помош доби од партијата Достоинство која воедно ги повикува сите граѓани кои имаат можност да помогнат за да се исплати конечно формалниот долг кој надминува 4.000 евра. Финансиската поддршка може да се уплати на сметката на сопругата на Ристо:

Ивана Бањеглав 210501697441558, Тутунска банка. 

народен глас

 

- Реклами -