12.9 C
Ohrid
сабота, април 5, 2025
ПочетнаМакедонијаПасоши и лични карти со Северна ќе добиеме без разлика дали преговараме...

Пасоши и лични карти со Северна ќе добиеме без разлика дали преговараме со ЕУ или не

spot_imgspot_imgspot_imgspot_img
spot_img

Недобивањето датум за отпочнување преговори со ЕУ нема да го одложи менувањето на личните документи на граѓаните на земјава со новото уставно име – Република Северна Македонија.

<

И покрај дилемите и дебатите кои се отворија во јавноста за тоа дали и во кои сегменти француското вето ќе ни го зачува старото уставно име Република Македонија, Договорот и законите се јасни и тие предвидуваат дека новото име ќе биде дел од пасошите, личните карти и возачките дозволи без разлика дали сме почнале преговори со ЕУ или не.

Имено, во договорот се предвидени два преодни периода за промена на постоечките документи – технички и политички. Политичкиот период е оној кој зависи од отворањето и затворањето на преговорите со Унијата, додека техничкиот не е врзан со тоа.

Според Договорот од Преспа, техничкиот преоден период се однесува на сите официјални документи кои се издаваат во земјава, а се наменети за меѓународна употреба, но и за документите за внатрешна употреба кои може да се користат и надвор од државата. Рокот за ова истекува во 2023-та.

– Ова значи дека „техничкиот“ преоден период е максимум пет години, во кој период треба сите постојни документи кои можат да бидат и за надворешна употреба да бидат во согласност со амандманите од 33 до 36 на Уставот – појаснуваат од Владата.

Покрај пасошот, тука се и личните карти бидејќи граѓаните може да ги користат за патување во речиси сите земји на Балканот, како и домашните возачки дозволи затоа што државата има потпишано низа договори со европски земји за меѓусебно признавање.

Од Владата засега немаат прецизен одговор кога ќе се почне со издавање лични карти и пасоши со новото име бидејќи, велат, станува збор за комплексна постапка во која ќе бидат специфицирани повеќе уставни и законски решенија. Но, најавуваат дека наскоро ќе се потпише договор.

– Во моментов се одвиваат преговорите во врска со техничките елементи и критериумите на набавката, а Договорот се очекува да биде потпишан наскоро. Во Договорот ќе биде специфицирана динамиката на испорачување на нарачката, во конкретно испланирани чекори и тоа фаза по фаза сукцесивно, со што ќе добиеме детално утврдена временска рамка за реализација на набавката усогласена со утврдените уставни и законски измени – велат од Владата.

Новото име нема да го има само на документите кои се исклучиво за внатрешна употреба. Со „Република Северна Македонија“ документите ќе се издаваат постепено со отворање на поглавјата со ЕУ.

– Овој преоден период е врзан со отворање на поглавјата со ЕУ и затоа и се вика „политички“, бидејќи не е однапред извесен туку зависи од друга политичка одлука – велат од Владата.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

ФФМ донесе одлука: ФК Шкендија да биде казнета со играње на следните пет домашни натпревари без публика.

Дисциплинската комисија во рамки на ФФМ донесе одлука ФК Шкендија да биде казнета со играње на следните пет домашни натпревари без присуство на публика....

Ова не е несреќа, ова е убиство: Семејствата на настраданите повторно маршираа во Кочани

Ова не е несреќа, ова е убиство“, „Коруптивниот систем ги уби нашите деца“, „Стоп за селективна правда“ се дел од пораките на транспарентите кои...

Спасовски: Истрагата за Кочани мора да даде одговори и за пропустите на МВР

Најважно од сè е сега истрагата да ги даде одговорите на прашањата за трагедијата во Кочани и за утврдување на одговорноста. Главната одговорност треба...

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот за здравствено осигурување, Сашо...