Управа за јавни приходи – така се вика институцијата која за општата јавност е синоним за собирање на даноците, а за бизнисот е институција што им зема од заработката. Даночниците на терен се присутни преку инспектори што доаѓаат или по пријава или по сопствена иницијатива. Со такви тимови „360 Степени“ помина два дена при контроли во три града.
Сепак еден настан привлече најмногу внимание кога екипата на 360 следејќи ги теренските контроли на Управата за јавни приходи забележа скандалозна ургенција до инспекторите на терен од страна на шефица во УЈП.
Aнтикорупциската комисија најавува дека ќе оформи предмет за случајот со вработената во Управата за јавни приходи, извесна Софче, која телефонски ургираше да не се казнува едно скопско кафуле поради неиздавање фискални сметки.
