15.6 C
Ohrid
сабота, мај 17, 2025
ПочетнаМакедонијаРизов: Тетоважата „Мито е Тито“ ја направив од срце и со 60...

Ризов: Тетоважата „Мито е Тито“ ја направив од срце и со 60 отсто попуст ФОТО

spot_imgspot_imgspot_imgspot_img
spot_img

Фанот на градоначалникот на Кавадарци, кој си го истетовира Митко Јанчев на ногата, добил 60 отсто попуст за тетоважата. Мајсторот за тетовирање, Пане Ризов вели дека навистина се изненадил кога слушнал што сака човекот да му истетовира.

<

– Не очекував да ми побара такво нешто. Но, од срце му ја нацртав тетоважата и му дадов 60 отсто попуст. Тетоважата не е завршена, сега заврши првата сесија. Готова е околу 80 отсто, но потребни се уште некои детали, кои за некои три недели треба да ги довршиме – за Плусинфо вели 22-годишникот.

Вистинската цена за ваква тетоважа, според Ризов, е околу 150 до 200 евра. За првата сесија биле потребни четири часа за да излезе тетоважата таква каква што е сега.

– Прв пат тетовирам политичар, а уште почудно ми беше што станува збор за градоначалник. Имам барања да тетовирам познати пејачки и ликови од естрадата, но засега не се реализирани. Ми барале да го тетовирам и фудбалерот Драган Михајловиќ – додаде Ризов.

Ни кажа дека најчесто црта реалистик и геометриски тетоважи. Од ликови, претходно го цртал кралот Тристан, како и бебето на негов пријател.

– Немам зад себе многу портрети, два-три најмногу. Инаку, работам на тетоважи и во боја и црно-бели, во секаков стил – дециден е Ризов.

Инаку, Ризов го наследил занаетот од својот татко, кој на времето исто така имал вакво студио во Кавадарци.

– Уште од четвртто одделение имав амбиции да тетовирам, татко ми имаше студио. Барав да ме научи и јас да цртам, но ми велеше оти сум многу мал и дека ќе ме научи кога ќе пораснам. Дури и кога имав 18 години, моите родители не ми даваа да тетовирам, бидејќи мислеа дека ќе згрешам оти немам доволно искуство. Потоа татко ми замина да вози камиони во Шведска, а куферот со машинката го остави дома, така почнав да ги крадам и да работам. Прв го истетовирав мојот најдобар другар. Може да се каже и дека тој ме натера на тоа. Сакаше да му нацртам кинеска буква. Му реков дека може да згрешам бидејќи ми е прв пат, но тој ме убедуваше дека има доверба во мене. По таа тетоважа, го истетовирав уште два – три пати. Четвртата тетоважа беше за мене и беше поголема. Тогаш си реков ако ја истетовирам како што треба, ќе се занимавам со ова. Ако не, ќе се откажам. Така почна мојата приказна – раскажа талентираниот уметник.

Сега веќе две години го има студиото „Булфрог“, а претходно две години работел по дома.

– Цело Кавадарци ми ѕвони од утрово, сите ми пишуваат и ме прашуваат за славната тетоважа – заврши уметникот.

извор:плус инфо

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

69-годишен маж од Свети Николе со воздушна пушка пукал во деца кои береле цреши од неговиот двор

На 16.05.2025 во 14.00 часот во Свети Николе, полициски службеници од ОВР Свети Николе го лишиле од слобода В.И.(69) од Свети Николе. Тој претходно од...

Жена возач сруши семафор кај Сити Мол.

На булеварот Партизански одреди пред трговскиот центар Сити мол во Скопје попладнето се случи една невообичаена сообраќајна незгода. Автомобил марка „рено“ со скопски регистарски...

Пратеник на СДС се качи на кровот на Собранието и се закануваше дека ќе скокне. (Видео)

Пратеникот на словенечката опозициска партија СДС, Андреј Хојвик, денес се искачи на покривот на Народното собрание во Љубљана и им се обрати на минувачите,...

Сител во кочанската болница каде одат на рехабилитација дел од повредените – лузните ќе зараснат, болката во душата не

Внатрешната болка до крајот на мојот живот ќе трае, зашто лузната како лузна веќе не ме засега, изгубив од сестра детенце, тој е...