Градоначалникот на Скопје, Петре Шилегов, на својот профил на Фејсбук најави дека градските служби ќе подигнат нов дрворед од 26 високо квалитетни јавори во срцето на Скопје.
Шилегов додаде дека од понеделник се возобновува и дрворедот со јапонски цреши на улицата „Максим Горки“.
На барање на Општина Центар, ЈП „Паркови и Зеленило“, вчера изврши интервенција на дрворедот на улицата „Максим Горки“. Од Општината информираа дека се работи за отстранување стари и болни дрвја од видот јапонска цреша.
– Јапонската цреша е дрво по кое е и самата улица „Максим Горки“ препознатлива и карактеристична. Општина Центар ја известува јавноста дека на местото на отстранетите стари и болни дрва во понеделник ќе засади нови 18 висококвалитетни дрвја од истиот вид, јапонски цреши, кои се примени како донација од вработените во претставништвото на Европската банка за обнова и развој (ЕБОР) во Скопје – соопшти Општина Центар.
