Мсвати Трети, кралот на една од најсиромашните држави во светот, Сватини, Африка, купи по еден нов „ролс ројс“ автомобил за своите 15 сопруги. Членовите на поширокото семејство и соработниците на кралот ќе добијат по едно „бе-ем-ве“. Ова е изненадување, бидејќи, иако кралот на земјата е еден од најбогатите владетели во светот, 63% од населението во земјата е сиромашно, а повеќе од половината се заразени со ХИВ. Единственото нешто што се смени во последните децении е името на државата, кое кралот го преименува од Свазиленд во Кралство еСватини. Тој го стори тоа минатата година на неговиот 50. роденден, наводно за да ја одбележи 50-годишнината од „независноста“.
Инаку, Мсвати Трети е еден од најбогатите монарси на светот со богатство проценето на над 200 милиони долари. Лани, на пример, тој си купи авион од 13,2 милиони американски долари, а има и околу дваесет „мерцедеси“ С-класа, лимузини „ролс-ројс“ и неколку „бе-ем-ве“ Х6.
