По неколкумесечна работа на Градот Скопје во соработка со УНДП се отвори зелениот покрив на ГТЦ. На покривот засадени се околу 3.656 дрвја од различни видови. Покрај зеленилото, поставени се и неколку фонтани и базени, клупи и шаховско поле.
На свеченото отварање присутни беа многу Скопјани а меѓу нив беше и градоначалникот на Скопје, Петре Шилегов како и директорот на ГТЦ Ѓоко Трајчевски. Тој се надева дека на ова место ќе се раѓаат убави спомени и многу скопски приказни.
Тој вели дека според истражувањата, високите температури за време на летниот период, значително ќе се намалат.
Сумата за зелениот покрив изнесува околу 550.000 евра, а во неа се вклучени и градежните и изолациските работи.
Претставничка на УНДП, Нарине Сахакјан рече дека иницијативата за изградба на овој зелен покрив не била само за да креираат убаво зелено место, туку имала значење поради тоа што анализата покажала дека ГТЦ е едно од најжешките локации во Скопје.
