17.7 C
Ohrid
недела, јуни 29, 2025
ПочетнаМакедонијаКомедија во Дебрца-Охрид: Овчарите им оставале камен со знак, а дивите копачи...

Комедија во Дебрца-Охрид: Овчарите им оставале камен со знак, а дивите копачи им ги копале нивите барајќи злато.

spot_imgspot_imgspot_imgspot_img
spot_img

Овчари во Дебрца од забава длабат знак на камен на нивата каде што го чуваат стадото, а потоа на трагачите по злато од блиското село им јавуваат за тоа. Тоа за копачите бил доказ дека на тоа место има злато и ја раскопуваат целата нива, но ништо не наоѓаат.

<

За ова знаат и охридски археолози, бидејќи и кај нив се јавувале луѓе од овој крај со информација дека на некој камен имало чуден знак, што за нив било доказ дека под него се крие злато.

„Уште кога бев директор на Завод и Музеј во Охрид ми се јавија неколкумина жители од Дебрца кои ми рекоа дека на некоја нива имало камен на кој бил издлабен некој чуден знак. За нив, тоа било доказ дека под него има некое богатство, најчесто злато. Ние ги игнориравме таквите повици, но во една прилика решивме да провериме за што се работи”, вели археологот Паско Кузман.

Тој формирал екипа од Музејот, ги обезбедил потребните дозволи и се упатил кон селата Велмеј и Песочани во Општина Дебрца. Таму под камењата со издлабен знак копале неколку дена и не нашле ништо.

Познат трагач по злато од Охрид, кој сака да остане анонимен, кажува за чудна појава што му ја имаат дојавено луѓе од селото Трпејца.

„Пред неколку години, жител на ова село ни рече дека кога има слаба облачност и кога првиот сончев зрак, главно веднаш пред изгрејсонце, ќе се усмери кон земјата, тоа е знак дека тука има некои скриено богатство. Ние сакавме да го провериме тоа, но во текот на денот имаше многу такви зраци кои ги пробиваат облаците. Попусто се трудевме да откриеме кој сончев зрак ќе нѐ одведе до наводното богатство”, раскажува овој трагач по злато.

Д. ЧУБРИЌ sdk

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината.

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината. Нивната нова...

Стојанче Ангелов: Најдов двајца пилоти, од есен ќе започнат со обука

Директорот на Агенцијата за заштита и спасување, Стојанче Ангелов, во емисијата „Трилинг“ реферираше дека сите три противпожарни авиони ер-трактори се во функција, со тоа...

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...