Богдан Илиевски ѝ напиша последна порака на својата братучетка Јана Арсовска, охриѓанката која денеска ја загуби својата борба со ракот.
Јаничке, сестричке…
Не успеавме да те дочуваме, тука меѓу нас.
Сега, ти чувај не нас, таму меѓу Ангелите.
Додека се сретнеме пак…
Срцето на 33-годишната Јана срце не ги издржа чекањето и долгите бирократски процедури за уште едно лекување во странство.
Јана пред скоро време беше во Солун во приватна клиника која понуди опции за третирање на ретката и опасна болест кои се финансиски беа поповолни од клиниката во Барселона.
Инаку спорот околу незаконското одбивање на ФЗО за лекување на Јана се уште е во Вишиот управен суд, каде дојде откако по одлуката на Управниот суд случајот на Јана да биде повторно разгледуван, Фондот за здравствено осигурување скандалозно и нечовечки се спротистави на оваа одлука и реши да поднесе жалба.
