11.9 C
Ohrid
недела, март 3, 2024
ПочетнаСветГерманците на мака не знаат што да прават со 350.000 дизелаши-...

Германците на мака не знаат што да прават со 350.000 дизелаши- еве што планираат

По скандалот на Фолксваген, сѐ повеќе европски градови воведуваат ограничувања или забрани за дизел возилата.

Тоа ги става во неповолна позиција препродавачите на половни автомобили, пренесува Дојче веле.

„До неодамна продажбата на дизелашите ми одеше одлично, а сега не можам да се отарасам од нив поради тие забрани. Еве, пасат дизел, еуро 6, речиси нов автомобил, не можам да го продадам ни за 7.000 евра најниска цена“, вели Акајган Хасан, сопственик на плац за половни автомобили во Германија.

Според податоците на германското здружение на трговци на автомобили, дизел возило старо три години, со 45.000 минати километри, губи половина од својата вредност.

Во рацете на германските трговци во моментов има околу 350.000 понови половни автомобили, со вкупна вредност од пет милијарди евра, кои не можат да најдат купувач.

„Сите ми зборуваат вози го автомобилот на Балкан, во Хрватска, Србија, има поминато 300.000 километри, а може уште толку“, кажува друг трговец.

Тоа, по сѐ изгледа, и го прават германските автодилери. Во текот на 2018 година на источниот и југоисточниот европски пазар од Германија се увезени 226.000 половни возила. Тоа е двојно повеќе во однос на 2013 година, пред скандалот на Фолксваген, кога биле извезени 142.000.

Германците сѐ помалку купуваат дизелаши поради забраните, односно ограничувањата, таканаречените еколошки зони, кои во последните неколку години беа воведени во педесетина германски градови.

На дизелите им е забрането да влегуваат во центарот на Штутгарт и Хамбург, а според најавите, забраните во иднина ќе бидат уште построги. По стапките на германските градови тргнуваат и Милано и Лондон.

 

 

 

 

 

spot_img
spot_img
ПОВРЗАНИ СТАТИИ

Најпопуларни

Повеќе постови

Пендаровски објави: Собрани се 10.000 потписи за неполни пет часа

Актуелниот претседател, Стево Пендаровски, кој се кандидира за втор мандат на претседателските избори објави дека за помалку од пет часа успеал да собере 10.000...

Силјановска Давкова за само четири часа собра над 15.000 потписи

За само четири часа, во периодот од осум изутринава до 12 часот кандидатката за претседател на Македонија, Гордана Силјановска Давкова над 15.000 граѓански потписи...

Јанкулоска со поддршка за Силјановска-Давкова

Поддршка за мојата професорка, затоа што докажа дека жената истовремено може да биде добра мајка, посветена сопруга и експерт во својата професија – сочуствителна...

Во денешната акција уапсен Екс градоначалник на СДСМ и син на Екс градоначалник од Вмро?!

Од МВР денеака информираа дека се уапсени десет лица во координирана полициска операција што се спроведе денеска. Четворица од приведени се од Гевгелија, тројца...