8.9 C
Ohrid
петок, март 1, 2024
ПочетнаСветМеркел ги повикува Балканците да работат и живеат во Германија: Им недостасуваат...

Меркел ги повикува Балканците да работат и живеат во Германија: Им недостасуваат над милион работници…

Германија на почетокот од идната година ќе донесе нов закон кој би требало да го олесни „увозот“ на квалификувани работници од земјите надвор од Европската унија, најави германската канцеларка Ангела Меркел и предупреди на „очајната“ потреба на економијата за нови работници.

Законот за доселување на квалификувана работна сила ќе стапи на сила на 1-ви март 2020-та година и негова цел е да им се отвори патот на работниците на земјите надвор од Европската унија да работат и да останат да живеат во Германија.

Според последните проценки, во Германија моментално има 1,3 милиони непополнети работни места. Инаку, во економски најмоќната земја членка на Европската унија моментално работат 2 милиони луѓе од странство.

„Но, тоа не е доволно и затоа мораме да побараме квалификувани работници и надвор од Европската унија. Без доволно кадар, ниту една економија не може да преживее“, предупреди германската канцеларка во видео пораката.

Канцеларката Ангела Меркел истакна дека потребата за квалификувани работници од странство не се однесува само на академскита образованите граѓани.

„Ние моментално имаме бројни претпријатија кои се во очајничка потрага по квалификувана работна сила. Ако политичарите не се погрижат да добијат стручен кадар, компаниите и претприемачите ќе ја напуштат Германија, а ние не сакаме тоа да се случи“, порача Меркел.

Во Германија инаку од 2016-та година е на сила таканареченото Правило за доселување од Западен Балкан кое не е ограничено само на квалификуваните, туку се однесува и на неквалификуваните работници. Досегашната пракса покажа дека најголемиот проблем е со издавањето на работни визи, затоа што луѓето во германските амбасади на Балканот за термин чекаат и по една година.Германската влада во идниот период треба да одлучи дали тоа правило треба да се укине кога на 1-ви март ќе стапи на сила новиот закон кој ќе се однесува и на тие земји.

Извор Точка

 

 

spot_img
spot_img
ПОВРЗАНИ СТАТИИ

Најпопуларни

Повеќе постови

Мерко доби обвинение за набавка на возило вредно 67.000 евра – обвинителството откри детали

Основното јавно обвинителство за гонење на организиран криминал и корупција, поднесе обвинение против градоначалникот на Струга, Рамиз Мерко во врска со набавката на луксузниот...

Врз буре со кисела зелка пронајдена е Шер за која се нудеа 2.500 евра: Птицата поминала вистинско патешествие!

Пронајден е папагалот Шер, кој пред пет дена се изгуби во Скопје, а чии сопственици нудеа награда од 2.500 евра за пронаоѓачот. Како што...

Расчистено убиството во Прилеп, приведени две лица, поднесена кривична пријава

Расчистено убиството во Прилеп, приведени две лица, поднесена кривична пријава Денеска (01.03.2024) во 04.00 часот во с. Сенокос, општина Долнени, полициски службеници од ОВР Прилеп...

Битиќи: Додека некој се занимава со црн петок, вештерки и пророштва, некој носи странски инвестиции

Додека некој се занимава со црниот петок, вештерки и слични пророштва, денеска се објавени официјалните податоци за странските директни инвестиции во Република Северна Македонија...