9.5 C
Ohrid
петок, март 1, 2024
ПочетнаМакедонијаУцената со бришење на македонскиот јазик како услов за ЕУ- Се бриши...

Уцената со бришење на македонскиот јазик како услов за ЕУ- Се бриши и последното одбележје на Македонците ?

По скандалозната одлука на Бугарската академија на науките, дека македонскиот јазик не постои, туку е наречје на бугарскиот јазик, ракциите и осудата во јавноста и стручната фела не стивнуваат. Сепак, владата се’ уште нема испратено протесна нота до Бугарија, а премиерот Зоран Заев вели дека во јануари пријателски ќе го прашал Борисов за негирањето на македонскиот јазик.

„Ние сме пријателски земји и ваквите дисонантни тонови се недозволиви каде што во 21 век зборуваме за идентитет којшто е впишан целосно во сите анали, во сите документи и во сите меѓународни организации. Јас го добив аплаузот и од бугарските пратеници кога зборував на македонскиот јазик во Европскиот парламент“, истакна Заев.

Бугарската ВМРО-БНД на Красимир Каракачанов со огласи со соопштение откако македонскиот премиер Зоран Ззаев изрази очекување дека Бугарија ќе треба да го„надмине прашањето со македонскиот јазик“. Каракачанов му порача да не претерува…

Красимир Каракачанов

„Ние одамна ја применуваме формулацијата „согласно Уставот на Република Северна Македонија“. Таа формулација го покажува нашето почитување на уставното право на Македонија да користи своја „етикета“. Јазиците се одамна политички „етикети“. Денес во бивша Југославија се создаваат секакви „етикети“ за јазици, кои се во суштина исти. Во цела Европа е така…За никого нема сомнение дека различните македонски наречја врз кои во 40-тите години административно е кодиран „јазик“ ист со бугарските говори“, стои во соопштението.

Според оваа партија Заев би требало најдобро да знае дека македоснкиот јазик е всушност бугарски.

„Тој е од струмичкиот крај кој буквално последен беше одземен од Бугарија, според одредбите од Нјескиот договор. До ден денес, кога роднините и сограѓаните на Заев ќе отидат во други делови на Македонија сигурно уште ги прашуваат дали се „Бугари“- велат од партијата на Каракачанов.

Ваквиот апсурден и вазалски однос кон јазикот како суштинско идентитетско обележје, речиси и единственото коешто им преостана на Македонците, ја пресликува неспособноста на власта да застане во одбрана на националните инресери.

Одлуката на Бугарската академија всушност е само потврда на т.н. декларација на Бугарскиот врв која беше претставена на почетокот на октомври годинава, во кој Бугарската Влада директно го негираше постоењето на македонскиот јазик и инсистираше на историска амнезија на нашите граѓани, тврдејќи дека тие никогаш не биле фашистички окупатори во Македонија.

Уцената со бришење на македонскиот јазик како услов за ЕУ е веројатно врвот на т.н. „добрососедска политика“ на Бугарија кон Македонија.

Власта молчи за резолуција за заштита на македонскиот јазик

Лидерот на ВМРО-ДПМНЕ, Христијан Мицкоски, го обвини Заев дека Владата води пластелин политика при што основата на се’ е виткањето на кичмата. Тој понуди да се донесе резолуција за заштита на македонскиот јазик.

Одговор за ова од Заев, се’ уште нема.

„Не е до соседите, до Заев е. Јас пред два месеци дадов иницијатива, и сега ќе ја реактуелизирам во македонското Собрание да донесеме заедничка Резолуција по пат на консензус за заштита и потврдување на посебноста и автенткчноста на македонскиот јазик. Впрочем, таквата Резолуција нема да значи никаква претензија, туку потврда за нашето и испраќање на политичка порака дека како држава сепак имаме кичма и свој јазик различен од сите други, по кои се препознаваме и разликуваме од останатите. За ваквата Резолуција е добро да се изјасни и Зоран Заев“, посочи Мицкоски.

За претседателот Стево Пендаровски, дискусијата за негирањето на македонскиот јазик  е беспредметна и пред се’ застарена.

„Немаме намера да разговараме за македонската нација и јазик бидејќи тоа се факти кои ги знае целиот свет“, рече Пендаровски, кој на почетокот на месецов, во интервју за бугарската агенција БГНЕС, изрази загриженост дека нашите млади не знаеле ниту еден бугарски актер, и дека во Македонија немало ниту еден бугарски медиум, за разлика од десетици српски медиуми.

 

spot_img
spot_img
ПОВРЗАНИ СТАТИИ

Најпопуларни

Повеќе постови

Свирепо убиство вечерва во центарот на Прилеп – Младо момче избодено до смрт!

Свирепо убиство се случило вечерва во строгиот центар на Прилеп. Имено, како што дознава Маркукуле, група на млади луѓе најпрво физички нападнале, а потоа и...

Со една минимална плата порано можело да се купат 170 четвртини бурек, а денес 270 четвртини и тоа добар бурек

Јас сум економист и можам да зборувам за економија, бурек економија во современата наука не постои. И ако сакате во бурек да пресметате во...

Лазаров се огласи откако беше изоставен од „Златна бубамара“: Во државава сѐ функционира на „на ти го – дај ми го“

Лазаров се огласи откако беше изоставен од „Златна бубамара“: Во државава сѐ функционира на „на ти го – дај ми го“ Насмејте се, ќе се...

Браво Македонијо- Собрани потребните 100.000 евра за Лео!!!

Драги наши, Собраните средства од хуманата лицитација заедно со златната бубамара, денес беа предадени на тетката на Лео. Господинот Кирче Митрески беше категоричен и не...