Милан слави значајна дата, 120-годишнина од основањето. На 16 декември 1899 година официјално беше основан „Крикет и фудбалски клуб Милан“.
<
Вчерашната средба со Сасуло требаше да биде празнична, но заврши со 0:0, со што малку се расипа впечатокот.
Пума, специјално за овој настан, подготви специјален комплет, Passion120, чија главна идеја е дека – Милан и по 120 години не ја загуби страста. Беше подготвена мала серија на дресови, се на се 1899 парчиња, со нив Милан го одигра вчерашниот натпревар.
Специјално за настанот допатуваа легендите на Милан од различни генерации: Паоло Малдини, Пипо Инзаги, Звонимир Бобан, Мауро Тасоти, Дида, Жан-Пјер Папен, Џани Ривера и други.
