”Ја мразам оваа дупка зошто повеќе не се дише, ја мразам оваа дупка бидеќи патот до лебот е преку партиите, а не преку факултетите, ја мразам оваа дупка бидеќи не си на списокот, ја мразам оваа дупка затоа што со дипломата си ги тепаш комарците, ја мразам оваа дупка зато што секое мислење некаде припаѓа”.
На 27 декември во 19:00 часот во Киноверзиум.мк- 3D кино во Свети Николе Марјан Ѓорѓиевски ќе го изведе својот Моноспектакл „Со глава во ѕид“.
Ова е неговата порака до вас:
„Сѐ она што нѐ „труе“, сѐ она што нѐ гуши, сѐ она што нѐ прави депресивни, исфрлете го од вашата глава, размрдајте ги вашите мозочни келии и направете нешто добро, нешто ќе ве направи поразлични од другите.
Моноспектакл не е само монодрама, моноспектакл не е само стендап комедија. Тоа е вистински спектакл со еден човек. Апсурдно звучи, па цела реалност во која живееме е апсурдна што ве чуди?!.
Влезниците се во ограничен број, набавете ги веднаш, да не ми речете – НЕМА КАРТИ, ШО ПРАЈМЕ, КАКО ДА ВЛЕЗИМЕ?
И уживајте – помалку дијазепами, помалку нервози, помалку стрес, со чисто срце продолжете си во 2020.
Ве сака Ваш Марјан.“
