15.4 C
Ohrid
недела, септември 20, 2020
Почетна Македонија Две и пол години ги донирал своите дневници и досега тоа никој...

Две и пол години ги донирал своите дневници и досега тоа никој не го знаеше…

Translate (Eng):[gtranslate]

Генералниот секретар на СДСМ е најголем индивидуален донатор за СОС Детското село во Скопје за 2019-та година.
Тој две и пол години ги донирал своите дневници и досега тоа никој не го знаеше, се додека не му беше доделено признание по повод Меѓународниот ден на човечката солидарност, 18 години постоење на СОС Детското село во Македонија и 70-годишнината од формирањето на првото СОС детско село.

Љупчо Николовски откако му беше доделено признанието се огласи на социјалните мрежи и напиша:
„Ми го исполнивте срцето со радост и среќа! Благодарен сум на СОС Детско село за ова признание кое многу ми значи! Да бидеме хумани и благородни, да донираме, да помагаме, да подадеме рака секому! Секој ден може да биде повод за мал гест!“.

„Секое дете заслужува да расте во топол дом опкружено со љубов и внимание, односно ниту едно дете не треба да расне само, како што е истакнато во мисијата на СОС Детско село. За ова да биде остварливо секој од нас може да придонесе на различен начин. Токму и денеска сме собрани да им оддадеме признание на оние што несебично одвојуваат средства, време, енергија и придонесуваат кон остварувањето на мисијата на СОС Детско село.“

РЕКЛАМА

„Би сакала, како покровител на оваа манифестација, лично да им се заблагодарам и да ги охрабрам и понатаму несебично и безрезервно да помагаат, да бидат солидарни и великодушни. Со грижата за најмладите се грижиме и за нашата иднина, се грижиме за напредокот и за просперитетот на целата заедница. Сите ние сме едно семејство и секој член на нашето семејство заслужува да биде исполнет со радост и среќа“, рече Елизабета.

На настанот се обрати и австрискиот амбасадор во Македонија, Георг Вуцас, кој потенцираше дека со поддршка на Детското село сите можеме да направиме разлика и најави дека оваа година приходите од Виенскиот бал, што се одржува на 14 март 2020 година во Скопје, ќе бидат посветени токму на Детско Село. Тој во својот говор потенцираше дека на ранливите луѓе им е потребна нашата помош, особено на децата кои останале без родители.

- Реклами -