Неодамна во Перник соседна Бугарија се одржа Меѓународен Таеквон-до ИТФ натпревар – дисциплина спаринг до 18 години, на кој учество зеде и нашиот најдобар клуб, Таеквон-до клубот „ХВА РАНГ ИТФ“ Лескоец-Охрид. Тие на овој натпревар настапија со 10 натпреварувачи од кои 8 се закитија со медали, и тоа златен,сребрени и 5 бронзени медали.
Tренерот и претседателот на клубот Марјанчо Лазаревски носител на црн појас V дан, вчера вечер во ресторан Валентино ги покани сите новинари, а исто така присутни беа и членовите на клубот ХВА РАНГ ИТФ“. Таа прилика ја искористи да им се заблагодари на веб порталите и тв медиумите за секој нивен удел, објавувајќи и следејќи го секој нивен успех, како и доделување на благодарници за најуспешните натпреварувачи. Исто така искористи прилика да се заблагодари на нивниот генерален спонзор „ПН МЕТАЛ“, кој е најзаслужен за нивното учество и за нивните медали. Лазаревски вели дека неговите натпреварувачи повторно направиле да се гордееме со нив, тие се толку малечки а всушност се вистински херои-јунаци.
– Годинава имаме 127 освоени медали со што ги срушивме рекордите од минатите години. Бројката на освоени медали е релативна, најголемиот успех е што на европското првенство на 11 годишна возраст нашиот Давид Крстески е прв во Македонија што има освоено медал од европско во конкуренција од 30-на натпреварувачи, што е историски успех за Македонија и многу ми е драго што е од нашиот клуб. Оваа година беше перфектна, организиравме Меѓународен отворен турнир „Ohrid OPEN 2019“. Имаме квалитет со кој може да се гордеееме. Имаме еден наш ученик, Климент Грозданоски кој живее и работи во Скопје секој викенд го користи кога ќе дојде во Охрид да тренира во нашиот клуб. Учествуваше во склоп на кик бокс федерацијата на Светското првенство WAKО во Анталија и освои бронзен медал, со што се гордееме, потенцира Лазаревски.
На синоќешната коктел средба беа прогласени твојцата најдобри Таеквондисти. И годинава на врвот беше Давид Крстески.
