8.9 C
Ohrid
петок, март 1, 2024
ПочетнаМакедонијаШилегов- Не гледам никакви грешки во нашето работење досега.

Шилегов- Не гледам никакви грешки во нашето работење досега.

Не сум задоволен како стоиме со правдата. Во борба сме со остатоците од она што беше Сваровски-судство. Со тоа судство се тепаме и поради тоа не до крај можеби во оваа фаза можеме да ја спроведеме правдата, која е толку насушно потребна во нашето општество. Тоа е следниот таргет, вели градоначалникот на Скопје Петре Шилегов во Неделното интервју на Радио Слободна Европа.

Според него, работите бавно се одвиваат во судството, но не во целото, туку во она во чиј домен е одлучувањето за криминал. -Претежно зборуваме за еден суд во државата Основен, и еден суд во државата Апелациски, рече Шилегов.

Не смета  дека евентуално незадоволство од работата на градоначалниците може да се одрази на предвремените избори зашто, како што вели, народот е мудар, знае да ги дели работите и точно знае за што и за какви политики гласа. Во изминатите речиси три години не гледа, рече, фундаментални и стратешки грешки во носење политички одлуки од СДСМ, туку ситни и човечки грешки направени во ôд. Притоа нагласи дека за две и пол години земјава станува членка на НАТО.

 

Во однос на тоа дали Градски енергетски системи (ГЕС) ќе ја гради мрежата за снабдување со гас, градоначалникот одговори дека искрено се надева, и дека Градот ќе излезе од, како што рече, правните лавиринти во кои се наоѓа визави концесискиот договор со БЕГ.

-Ако сакаме да го решиме од корен проблемот со аерозагадувањето во нашиот град, ние мора стратешки и коренито да го решиме проблемот со затоплувањето на домовите. Во една таква констелација на односи, мојата одлука беше дека Градот мора да биде предводник и креатор на сопствена енергетска политика и заради тоа го создадовме ГЕС. Имаме животен интерес за развој на мрежата, зашто дисперзијата на топлотна енергија во што е можно повеќе домови значително ќе придонесе во намалување на емисијата штетни гасови во градот, истакна скопскиот градоначалник во Неделното интервју на Радио Слободна Европа.

Шилегов во интервјуто вели дека преку пратеничката група на СДСМ поднел барање за измени на Законот за јавни претпријатија, со што ќе се озвоможи Град Скопје да воспостави целосна контрола над Дрисла. Очекува, рече, дека тоа нема да биде предмет на политичко пазарење и дека треба и акламативно да се донесе со цел градот да воспостави и фактичка контрола врз тој капацитет. Тоа е и единствен начин, како што рече, да се расчистат контриоверзиите и недореченостите и стравот што постои кај граѓаните за Дрисла.

Пуштањето во употреба на стационарот за кучиња скитници „Лајка“ (поранешно Вардариште) доцни поради стандарди што досега биле невообичаени за заштита на животните, како што е воведување подно греење, а комуналната полиција најавена до крајот на годинава е во застој поради закажаните предвремени избори. Законот е подготвен од Град Скопје и доставен на мислење до 17 институции.

Со усвоениот буџет на Град Скопје ќе продолжи континуитетот на инфраструктурни проекти кои почнале во 2019 и, како што рече Шилегов, ќе бидат сериозно видливи во 2020-2021. Во буџетот се предвидени и средства за зголемување на платите на пожарникарите.

 

spot_img
spot_img
ПОВРЗАНИ СТАТИИ

Најпопуларни

Повеќе постови

Џафери очекува автопатот Гостивар-Кичево да биде готов во 2027 година

Техничкиот премиер Талат Џафери придружуван од министерот за транспорт и врски, Благој Бочварски и директорот на ЈП за државни патишта Ејуп Рустеми, изврши увид...

Мерко доби обвинение за набавка на возило вредно 67.000 евра – обвинителството откри детали

Основното јавно обвинителство за гонење на организиран криминал и корупција, поднесе обвинение против градоначалникот на Струга, Рамиз Мерко во врска со набавката на луксузниот...

Врз буре со кисела зелка пронајдена е Шер за која се нудеа 2.500 евра: Птицата поминала вистинско патешествие!

Пронајден е папагалот Шер, кој пред пет дена се изгуби во Скопје, а чии сопственици нудеа награда од 2.500 евра за пронаоѓачот. Како што...

Расчистено убиството во Прилеп, приведени две лица, поднесена кривична пријава

Расчистено убиството во Прилеп, приведени две лица, поднесена кривична пријава Денеска (01.03.2024) во 04.00 часот во с. Сенокос, општина Долнени, полициски службеници од ОВР Прилеп...