8.9 C
Ohrid
петок, март 1, 2024
ПочетнаМакедонијаГ.Г. Стефан: Христос се роди! Честито и од Бога благословено новото...

Г.Г. Стефан: Христос се роди! Честито и од Бога благословено новото лето Господово!

Православните верници утре (7 јануари) ќе го прослават Божик, раѓањето на Синот Божји, Исус Христос. По тој повод архиепископот охридски и македонски г.г. Стефан заедно со Светиот архијерејски синод на Македонската православна црква-Охридска архиепископија до свештенослужителите, монаштвото и до сите верници упатија божиќна порака.

– Возљубени празникољупци, Христовото рождество е празник на радоста, кога ја доживуваме вистината и убавината на нашата вера. Божик е денот на добрата волја, кога Милостивиот Бог се понизил заради нашето спасение, денот кога Бог Миротворецот му подари мир и помирување на човекот и на светот.

Божик е денот кога Создателот стана Богочовек, се роди како човек, за да го спаси човекот. Ете, тој спасоносен настан и денес нѐ повикува со мислите да се пренесеме во онаа неповторлива ноќ во Витлеем и да се потсетиме на даровите од тој неповторлив миг за човечкиот род, за да ја разбереме богооткриената спасоносна вистина.

Со рождеството на Синот Божји се објави тајната на спасението и благата вест за вечниот живот. Оттаму денот на Христовото рождество е празник на небесната радост, која и денес ни порачува да празнуваме со таа радост – што трае.

Возљубени, најмногу од сѐ треба да сме Му благодарни на Бога што сме Негови и што со Неговото име се именуваме. Годинава ќе одбележиме голем јубилеј – 1.000 години од постоењето на Бигорскиот манастир. Имаме светилишта ненадминати во уметноста и архитектурата, по кои светот нѐ препознава и се дел од нашата духовна и културна генеза. Па, да го чуваме тоа што е наш идентитет – и духовен и национален, да го чуваме и зачуваме! Да настојуваме со божикните пораки постојано да бидеме духовно освежени и морално оснажени. Со добри дела да се оддалечуваме од злото, за да може во нас и во нашите домови да владее мирот. Да се трудиме во секого од нас да се разбуди љубовта кон Бога, љубовта кон светата црква и татковината, љубовта кон сѐ што е свето и богоугодно. Со својот живот да придонесуваме Богомладенецот постoјано да се раѓа во нашите срца и да биде во нас и со нас! Христос се роди! Честито и од Бога благословено новото лето Господово!, стои во божиќната порака на г.г. Стефан.

spot_img
spot_img
ПОВРЗАНИ СТАТИИ

Најпопуларни

Повеќе постови

Џафери очекува автопатот Гостивар-Кичево да биде готов во 2027 година

Техничкиот премиер Талат Џафери придружуван од министерот за транспорт и врски, Благој Бочварски и директорот на ЈП за државни патишта Ејуп Рустеми, изврши увид...

Мерко доби обвинение за набавка на возило вредно 67.000 евра – обвинителството откри детали

Основното јавно обвинителство за гонење на организиран криминал и корупција, поднесе обвинение против градоначалникот на Струга, Рамиз Мерко во врска со набавката на луксузниот...

Врз буре со кисела зелка пронајдена е Шер за која се нудеа 2.500 евра: Птицата поминала вистинско патешествие!

Пронајден е папагалот Шер, кој пред пет дена се изгуби во Скопје, а чии сопственици нудеа награда од 2.500 евра за пронаоѓачот. Како што...

Расчистено убиството во Прилеп, приведени две лица, поднесена кривична пријава

Расчистено убиството во Прилеп, приведени две лица, поднесена кривична пријава Денеска (01.03.2024) во 04.00 часот во с. Сенокос, општина Долнени, полициски службеници од ОВР Прилеп...