11 C
Ohrid
петок, ноември 27, 2020
Почетна Македонија И мечето Теди ја напушта Македонија-Заминува за Швајцарија

И мечето Теди ја напушта Македонија-Заминува за Швајцарија

Translate (Eng):[gtranslate]

Наместо привремено да биде згрижено  во Скопје мечето Теди од Штип директно ќе оди или во паркот на танцувачките мечки во Белица, соседна Бугарија или во Швајцарија.

Конечната одлука за неговото ново живеалиште  веројатно ќе се донесе кон крајот на месецов, кога во Штип ќе дојдат претставници од фондацијата „Брижит Бардо“ и организацијата „Четири шепи“ заедно со ветеринари за диви животни кои ќе го  прегледаат Теди. Активистката и портпаролка на скопската Зоолошка градина Тина Мицковска вели дека се средува документацијата околу преселбата на мечето и тоа ќе ја напушти државата.

„Средувањето на документацијата е во тек. Кон крајот на месецов со претставниците на фондациите ќе дојдат и претставници на ресорните министерства и АХВ за да се забрза постапката. Секако таа ќе мора да се води и на повисоко ниво и во неа да бидат вклучени и Министерството за надворешни работи во земјата каде што ќе патува Теди“, вели Мицковска во  телефонска изјава за ТВ 24.

РЕКЛАМА

Каде и да оди, Мицковска вели дека ќе се грижат за мечето, тоа ќе се ресоцијализира и ќе избега од затворот од 15 квадрати каде живее последниве години. Претходно штипскиот градоначалник изјави дека мечето привремено ќе се смести во Зоолошката градина во Скопје, но не се против и сегашното решение, иако потврдија дека мечето никогаш не требало да биде згрижено, тука бидејќи штипскиот ЗОО парк никогаш немал дозвола за тоа.

Засега никој не побара одговорност за тоа што мечето  пред неколку години било донесено и заробено во претсениот кафез, иако постојано има реакции за условите во кои живеаат животните.

 

 

- Реклами -