Единаесет годишниот Тимофеј Клевакин од рурална Русија е многу различен од своите врсници кои обожуваат видео игри, школо и интернет.
Тимофеј најмногу од се сака да тренира во теретана и да соборува рекорди.
Од својата петта година малиот Тимофеј е заинтересиран за дигање на тегови . Главен „виновник“ за тоа е неговиот татко кој во нивниот дом во селото Шалија на Урал направил импровизирана теретана.
Тато Арсениј Клевакин започнал да го тренира својот син уште од неговото најрано детство иако неговата жена сметала дека Тимофеј е премлад за такво нешто.
На шестгодишна возраст на еден регионален натпревар Тимофеј ги воодушевил сите присутни откако подигнал тег тежок 55 килограми.
Сега 11- годишниот ученик се подготвува да го урне националниот рекорд за негова категорија и да подигне тег од 105 килограми.
Годинава на еден натпревар малиот Тимофеј веќе успеал да подигне 100 килограми, што е навистина импресивно ако се земе во предвид дека тој тежи само 38 килограми.
