21 C
Ohrid
петок, август 14, 2020
Почетна Македонија Владата потпиша договор: Ќе се гради нов автопат долг цели 2 километри,...

Владата потпиша договор: Ќе се гради нов автопат долг цели 2 километри, но не се знае кога ќе биде готов

Translate (Eng):[gtranslate]

Од Скопје за Приштина ќе се стигнува за помалку од еден час, но од која година никој не знае. Првично владата најави дека 12,5 километри автопат од Скопје до Блаце ќе биде готов во 2023 година, но денеска на потпишувањето на договорот со „Гранит“ за изградба на првите 2 километри кои ќе чинат над 12 милиони евра, надлежните избегнуваа да прецизираат рокови. Само се знае дека првите 2 километри ќе почнат да се градат на пролет, и треба да се готови дури по 1,5 година или на средината на 2021-та. А проектот за останатите 10 километри допрва ќе се прави.

Најубаво е добар проект и да не се радуваме на брз проект, некогаш изгледа бавно но добриот проект прави брза градба. Тогаш нема да има никаков проблем, рече Китанов.

За Сугарески пак не е преголема реклама промоцијата на 2 километри автопат кој со години се најавува.

РЕКЛАМА

Апсолутно не мислам дека е некаква фанфарија, туку сакаме да ја информираме јавноста дека почнуваме, практично од на пролет со изведба на овој проект, рече Сугарески.

Вицепремиерот Османи пак потенцираше дека е малку емотивен.

Знам дека може да ви звучи дека е малку 2 километра за толку напор, меѓутоа автопат на таков географски терен во отсуство на било каков претходно подготвителен проект значеше многу ангажман на многу институции, рече Османи.

Но за да почне изградбата и на тие 2 километри, со експропријација треба да се решат 68 парцели на жителите на Блаце низ кои треба да помине трасата. Од владата се оптимисти дека и тоа ќе го решат до пролет, обезбедени се пари, а државата планира да дава до максимални 50 евра за метар квадратен земјиште.

- Реклами -